اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

تبریک ائدیریک…!

آذربایجان جمهوریسینده کئچیریلن ۲۰۱۷نجی ایل «موغام تئلویزیا موسابیقه‌سی»نده ایران آذربایجانیندان اشتراک ائده‌ن خیاولی گنج صنعتکار «مجید عصری» اوچونجو یئری قازاندی.
موغام تئلویزیا موسابیقه‌سی حیدر علی‌یئو فوندونون دستگی ایله آذربایجان مدنیت فوندونون لایحه‌سی اساسیندا آذربایجان تئلویزیاسینین تشکیلاتچیلیغی، مدنیت و توریسم ناظرلیگینین ایشتیراکی ایله کئچیریلیر.
اوچ آی مودتینده داوام تاپان بو موسابیقه‌نین فینال مرحله‌سینه یئددی گنج خواننده «نورلان نمازوو»، «سما سلطانووا»، «والد عبدالله‌یئو»، «روانه امیراسلانلی»، «مجید عصری»، «آلماخانیم احمدلی» و «پرویز قاسیموو» چاتمیشدیر. فینال مرحله‌سینده اشتراکچیلار ایفالارینی تقدیم ائتدیکدن سونرا، داورلرین وئردیگی امتیازلار اساسیندا غالب‌لرین یئرلری بئله معینلشدیریلمیشدیر:
بیرینجی یئر: آلماخانیم احمدلی – پرویز قاسیموف
ایکینجی یئر: سما سلطانووا – روانه امیراسلانلی
اوچونجو یئر: مجید عصری – نورلان نمازوف – والد عبدالله‌یئو
موغام تئلویزیا موسابیقه‌سینه خالق آرتیست‌لری «علی‌بابا محمدوو»، «عارف بابایئو»، «سکینه اسماعیلووا»، «منصوم ابراهیموو»، آذربایجان یازیچیلار بیرلیگینین کاتیبی «ایلقار فهمی»، امکدار اینجه‌صنعت خادیملری «سردار فرجوو» و «نادر آخوندوو » داورلیک ائتمیشدیر.
«ایشیق»- آذربایجان ادبیات و اینجه‌صنعت سایتی امکداشلاری آدیندان وطنداشیمیز استعدادلی گنج خواننده مجید عصری جنابلارینا، ائله‌جه‌ده آذربایجان خالقینا و مدنی جمعیتیمیزه صمیمی تبریکلریمیزی چاتدیریب، گنج صنعتکارا داهادا یارادیجیلیق اوغورلاری آرزو ائدیریک.

«ایشیق»- آذربایجان ادبیات و اینجه‌صنعت سایتی
۲۴/۳/۱۳۹۶

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *