ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

قادین ادبیاتیمیزا آرتیریلان یئنی بیر کتاب

۱۳۹۶-جی ایلین ایلک گونلرینده حؤرمتلی شاعر رقیه خانیم علیقُلیان (لاله)نین «یاغمورلو دویغولار» آدلی شعر توپلوسو کتابی تبریز شهرینده سومر انتشاراتی طرفیندن ایشیق اوزو گؤردو. ۱۹۲ صحیفه‌لیک بو کیتابا‌ لاله خانیمین هیجایی، سربست شعرلریله برابر بیر سیرا ماهنی و بایاتیلاری دا داخیلدیر. کتابا تانینمیش یازار و فولکلورچو احد فرهمندی، یئرلی ـ‌ یاتاقلی بیر اؤن سؤز یازیبدیر. همین یازینین قیسا سطیرینی گتیرمکله آذربایجان ادبیات خزینه‌سینه قازاندیردیغی بو اثر اوچون لاله خانیما تبریک دئییب، اوغورلار آرزیلاییریق.
«لاله خانیمین «یاغمورلو دویغولار» اثرینده اوره‌یی‌نین ایشیغیندان، فیکیر انگینلیکلریندن آخیب گلن دوشونجه‌سی، حیاتا باخیشی، نجیبلیگی، آنالیق حیسّی، جان یولداشینا محبّتی، ان اوجا آتا-آنا سئوگیسی، یورد، وطن، طبیعت، اینسانلار و … یاددا قالان، شعر قالیبینا تؤکولموش بیر اثردیر.
شاعیرین دیلی هم ساده و هم ده ائل دیلیندن آلینمیش بیر دیلدیر. او گاهدان شعر قالیبینی سیندیراراق، فرم و قافیه‌یه دقت وئرمه‌دن اوره‌ییندن گلن سؤزلری گلدیگی کیمی کاغاذ اوزرینه جالاییر، اونا گؤره، میصراعلاری راحات اوخونوب راحاتجادا آنلاشیلیر. حیات سیررلارینی رئال دونیادا هئچ کیمسه ایله پایلاشماق ایسته‌مه‌ین شاعیر چوخ آچیقجاسینا اونلاری اؤز اوخوجولاریلا آرایا قویور.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *