چئویرن: ایشیق
ترجمه: ایشیق
ایشیق

بیر شاعرده کؤچدو یئنه دونیادان؛ اوستاد علی میثمی

تاسفله قوجامان ادبیات خادیمی و «صابر ادبی انجومنی»‌نین قدیمی عضوی اوستاد «علی میثمی» ۹۳ یاشیندا حیاتا گؤز یومموشدور و دی‌آیی‌نین اوچونجو گونو تهرانین بهشت‌زهرا مزارلیغی‌نین بئشینجی قطعه‌سینده تورپاغا تاپشیریلمیشدیر
اوستاد میثمی گنج چاغلاریندان اجتماعی- مدنی فعالیته باشلامیش و عؤمرونون سونونا قده‌ر مدنیتیمیزین تبلیغینده یورولمادان چالیشمیشدیر.
اوستاد علی میثمی‌نین وداع مراسیمی و خاطیره تؤره‌نی یکشنبه گونو ۴/۱۰/۱۳۹۵ تهرانین کارگر شمالی خیابانی‌نین انتهاسیندا یئرلشن «مسجدالنبی»ده کئچیریله‌جکدیر.
«ایشیق»- آذربایجان ادبیات و اینجه صنعت سایتی امکداشلاری بو ایتگینی ادبی- مدنی جمعیتینه، قارداش صابر ادبی انحومنینه و اوستاد میثمی‌نین محترم عائیله‌سینه باش ساغلیغی وئریر و اوستادین خاطیره‌سینی عزیزله‌ییر.

«ایشیق»- آذربایجان ادبیات و اینجه صنعت سایتی
۰۴/۱۰/۱۳۹۵

صولح ماهنیسی / علی میثمی

قوی آغ گؤیرچین‌لر اوچسون گؤیلرده
قوی صوٍلحه سس وئرسین ائل‌لر هر یـئرده
قوی حاققین اوزوندن آچیلسین پرده
چالینسین ائل‌لرین شن ترانه‌سی

پارلاسین هر یـئرده صولحون اوٍلکری
آچیلسین ائل‌لرین آیدین سحری
قالماسین ظوٍلمتین, جهلین اثری
اوجالسین گؤیلره صولحون نغمه‌سی

هیتلئر مکتبیندن درس آلان‌لارین
ووروشما اودونو یاندیران‌لارین
اوغورسوز بایقوش تک بانلایان‌لارین
بوتون اؤلکه‌لردن کسیلسین سسی

صوٍلحه سس وئریلسین بوتون جاهاندا
بئشیک‌لر بومبادان قالسین آماندا
قیزیل گول‌لر آچسین آذربایجاندا
بزه‌نسین امک‌دن حیات صحنه‌سی.
چالینسین ائل‌لرین ظفر نغمه‌سی.
۱۳۳۰- تبریز زیندانی

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بیر شاعرده کؤچدو یئنه دونیادان؛ اوستاد علی میثمی

ایشیق
www.ishiq.net

آذربایجان ادبیات و اینجه‌صنعت سایتی

بیر شاعرده کؤچدو یئنه دونیادان؛ اوستاد علی میثمی

ایشیق
www.ishiq.net

آذربایجان ادبیات و اینجه‌صنعت سایتی

بیر شاعرده کؤچدو یئنه دونیادان؛ اوستاد علی میثمی

ایشیق
www.ishiq.net

آذربایجان ادبیات و اینجه‌صنعت سایتی