«یاشماق» ۱۰ یاشیندا؛ تبریک ائدیریک…!
آذربایجان ادبی- مدنی جمعیتینده «یاشماق» آدی‌لا تانینان «یئنی ادبیات درگیسی» و آذربایجان تورکجه‌سینده ایکی یوزه یاخین کیتاب نشرینه امضا آتان «یاشماق یایین گروپو»نون بارلی- بهرلی عؤمروندن ۱۰ ایل کئچدی. اون ایل‌لیک بیر عؤمورون نائلیت‌لری بوگون ادبیاتیمیزدا و آذربایجان مدنی اجتماعیاتیندا تقدیره لاییق مؤوقع قازانان «یاشماقچی‌لار»ین سیماسیندا گؤرونور. اونودولمامالیدیر کی بو نائلیت‌لری الده ائتمکده «یاشماق» درنه‌یینه ایلک گوندن رهبرلیک ائد‌ه‌ن تانینمیش ژورنالیست و آذربایجان شاعری حؤرمتلی «سعید موغانلی»نین رولو و یورولمازجاسینا ائتدیگی فعالیتی ان مهم یئر توتور.
«ایشیق» – آذربایجان ادبیات و اینجه‌صنعت سایتی امکداشلاری آدیندان قارداش «یاشماق» درنه‌یی‌نین ۱۰ ایل‌لیگی موناسیبتیله بوتون «یاشماقچی‌لاری» و شاعر دوستوموز حؤرمتلی «سعید موغانلی»نی صمیمیتله تبریک ائدیر و بو قلمداشلاریمیزا یئنی- یئنی مدنی فعالیت اوغورلاری و یارادیجیلیق نائلیت‌لری آرزو ائدیریک.
«ایشیق» – آذربایجان ادبیات و اینجه‌صنعت سایتی
۲۹ اردیبهشت ۱۳۹۵
