«چاغداش» مدنی- ادبی درنه‌یی‌نین آچیلیش تدبیری
یاییلان خبر اساسیندا، «چاغداش» مدنی – ادبی درنه‌یی‌نین آچیلیش تدبیری، بیر تعداد آذربایجان یازیچی و شاعرلری‌نین اثرلری‌نین تانیتدیرماسی‌ایله برابر اورمو شهری‌نین گنج‌لر مدنیت ساراییندا قورولاجاقدیر. بو تدبیر آدینا آخشامی دی آیی‌نین ۱۷سی ساعات ۱۵دن ۱۸قده‌ر کئچیریله‌جک و تدبیرده محمد رحمانی‌فرین «شهریارلا بیرلیکده اؤزگه‌لشمکدن اؤزلشمه‌یه دوغرو» اثری، یحیی آلیلونین «نیسگیللی ملک‌لر رومانی»، ارشد محمدی‌نین شعر توپلوسو اولان «سن بیر سرو آغاجی»، صابیر ریضایی‌نین «اوتوبوس ایستگاهی» پیئسی، سمیه خانیم اسدی‌نین «سن منسیز یاشایا بیلمیه‌جکسن» آدلی شعر مجموعه‌سی تانیتدیریلاجاقدیر.
بو تدبیرده رسول اسمعیلیان، محمد صبحدل، دوقتور اسماعیل مددی، بهرام اسدی، محمد صادق پور(شامی)، کریم گل اندام، حمید واحدی، یاسین حاجی زاده، احسان جواندل چیخیش ائده‌جک و آدلاری چکیلن اثرلرین حاققیندا چیخیش ائده‌جکدیرلر. تدبیر آشاغی عنواندا کئچیریله‌جکدیر:
اورمو شهری، شهرچایی، پاسداران خیاوانی، اورمو گنج‌لر مدنیت سارایی
یک پاسخ
خوشبختانه در این مراسم جواب خوبی به آقایانی که خود را نماینده تام الاختیار ادبیات آذربایجان میدانند داده شد. برخیها انگار از دماغ فیل افتاده اند و با مراسمات تشریفاتی و فرمایشی برای خود مراسم برپا میکنند!!!