گؤرکملی آذربایجان صنعتکاری اوستاد «عاشیق چنگیز مهدی‌پور»ون رهبرلیک ائتدیگی «دالغا» موسیقی گروهونون ۲۰ ایل‌لیگ یوبلئی تدبیری آذربایجان جومهوریسی‌نین پایتختی باکی شهرینده کئچیریلدی.
یوکسک سویه‌ده کئچیریلن بو تدبیرده دالغا گروهونون عضولری، اوستاد عاشیقلاری و شاعرلری‌نین ایل‌لر بویو عاشیق صنعتی‌نین انکشافی اوغروندا چکدیگی زحمتلری، اشتراکچیلار و ائله‌جه‌ده مجلیس بانی‌لری طرفیندن ده‌یرلندیریلمیشدیر.
یوبلئی، آذربایجان جومهوریسی‌نین ملت وکیلی «قنیره پاشایئوا»نین رهبرلیک ائتدیگی «آوراسیا بین‌الخالق آراشدیرمالار اینستیتو»، «آوراسیا بین‌الخالق مطبوعات فوندو» و «قاچغین و مجبوریت کؤچگونلری‌نین ایشلری اوزره دؤلت کومیته‌سی»نین تشکیلاتچیلیغی ایله یوکسک سویه‌ده کئچیریلمیشدیر. بو یوبلئی مراسیمیندن بیر سیرا شکیل‌لری حؤرمتلی اوخوجولارا تقدیم ائدیریک:(شکیل‌لر قنیره پاشایئوانین شخصی فیسبوک صحیفه‌سیندن آلینیبدیر)
