اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

sohrab tahir
خالق شاعری «سهراب طاهر» خسته‌خانایا یئرلشدیریلدی

آذربایجانین خالق شاعری سهراب طاهر اوره‌یینده یارانمیش پرابلئمله علاقه‌دار آذربایجان جومهوریسینین مرکزی نئفتچیلر خسته‌خاناسینا آپاریلیب. ۸۹ یاشلی شاعرین قوهوملاری طرفیندن اونون وضعیتی‌نین آغیر اولدوغو بیلدیریلیبدیر.
سهراب طاهر ۱۳۰۵ینجی ایل آستارا شهرینده صنعتکار بیر عائیله‌ده آنادان اولوب، «سعادت» و «شاهپور» مدرسه‌لرینده ۹ینجی صینیفه‌دک تحصیل آلیب، عائیله وضعیتی‌نین آغیرلیغی اوزوندن آتاسی ایله «ایران- اینگیلیس نئفت شرکتی»نده ایشله‌مه‌یه مجبور اولوبدور.
۱۳۲۴ینجی ایل آذربایجاندا باشلانان میللی نئهضتده فعالجاسینا اشتراک ائتمیش و ۱۳۲۵ینجی ایلده باکی‌یا تحصیل آلماغا گؤندریلیبدیر.
۱۹۵۰ینجی ایل باکی طب مکتبینی باشا وورموش و ۱۹۵۲-۱۹۵۷ینجی ایللرده آذربایجان دؤلت یونیورسیته‌سینین فیلولوگیا فاکولته‌سینده اوخویوب. ۱۹۵۹-۱۹۶۱ینجی ایللرده موسکوادا ماکسیم گورگی آدینا عالی ادبیات کورسلارینی کئچیرمیشدیر.
سهراب طاهر ۱۹۶۲-۱۹۶۶ینجی ایللرده «آذربایجان» قزئتی و ژورنالی رئداکسیالاریندا بدیعی شعبه‌لرده مودور، «سحر» ادبی- تاریخی ژورنالیندا باش رئداکتور معاونی و ۱۹۸۴ینجی ایلدن «آذربایجان» ژورنالیندا رئداکتور وظیفه‌سینده چالیشمیشدیر. بوندان علاوه، او آذربایجان یازیچیلار بیرلیگی‌نین عضوی، «یازیچی» نشریاتی‌نین بدیعی شوراسی‌نین و آذربایجان ادبیات فوندو اداره هئیتی‌نین عضوی، شوروی ادبیات فوندو پلنومونون عضوی، آذربایجان یازیچیلار بیرلیگی‌نین شعر شوراسینین صدری(۱۹۸۶-۱۹۹۱) اولوبدور.
ادبی- اجتماعی فعالیتینه گوره ۱۹۹۱ینجی ایلدن ۲۰۰۶ینجی ایله‌دک بیر چوخ میداللارلا، او جومله‌دن: ۲۰۰۶ینجی ایل «شهرت» میدالی و ۲۰۱۰ینجی ایلده روسیا یازیچیلار اتفاقی و اونون موسکوا شهر تشکیلاتی نزدینده فعالیت گؤسترن یازیچی- ترجومه‌چی‌لر اتفاقی‌نین قراری ایله بین‌الخالق مایاکوفسکی میدالی ایله تلطیف ائدیلمیشدیر.
خالق شاعری «سهراب طاهر»ین اثرلریندن آشاغیداکیلارینی آد آپارماق اولار:

  • سئوگی افسانه‌سی (شعرلر و پوئمالار)، باکی، یازیچی، ۱۹۸۳
  • قونشو قیزین مکتوبلاری (پووئست و رومان)، باکی، گنجلیک، ۱۹۸۵
  • وطن‌له سئوگی آراسیندا (شعرلر و پوئمالار)، باکی، یازیچی، ۱۹۸۶
  • امانت (پووئست‌لر)، باکی، گنجلیک، ۱۹۹۱
  • لیریکا، باکی، کیتاب جمعیتی، ۱۹۹۲

خبرین منبعی: ANS press

اشتراک گذاری در print
چاپ

یک پاسخ

  1. اومید کی تئزلیکله ساغلاملاشیب، یئنه ده ادبیاتیمیزین دیرچلیشینده اؤز یاددان چیخمایان نقشینی ایفا ائتسین. سهراب طاهر ۱۳۲۵- نجی ایللردن یادگار قالان یگانه شاعیرلریمیزدن بیری دیر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *