آذربایجان جومهوریسی‌نین رسمی خبر آژانسلارینین یایدیغی خبره ایستینادن، دونیا شؤهرتلی صنعتکار- کامانچا اوستاسی «هابیل علی‌یئو» اؤتن گون آذربایجان جومهوریسی‌نین لنکران شهرینده ماشین قضاسینا توش گلمیش و آغیر کلله- بئیین خسارتیله خستخانایا گتیریلمیشدیر. آنجاق تاسفله اونون حیاتینی خیلاص ائتمک مومکون اولماییب و ۸۸ یاشیندایکن جانینی الدن وئرمیشدیر.
«هابیل علی‌یئو»ین حیات و یارادیجیلیغی حقینده اطرافلی معلومات الده ائتمک اوچون صنعتکارین فردی اینترنئت صحیفه‌سینه مراجعت ائتمک اولار. بو آدرسده: http://www.habilaliyev.az
****
ایضاح:
گؤرکملی آذربایجان صنعتکاری هابیل علی‌یئوین اؤلوموایله ANS PRESS طرفیندن یاییلان خبره دایر یئنی ایضاحات وئریلمیشدیر.
بو آژانسین امکداشی ایلکین مصطفایئوین یازدیغینا ایستینادن، خالق آرتیستی‌نین عائیله عوضولرینین سؤزلرینه گؤره، حاضیردا صنعتکارا اوکسیژن بالونو واسیطه‌سی ایله نفس وئریلیر. حکیملر ساغالاجاغینا یاخود وضعیتی‌نین داها دا پیسلشه‌جه‌یینه دایر هئچ بیر نظر وئره بیلمیرلر. چونکی حاضیردا صنعتکارین شعورو قاپالی وضعیتده‌دیر. آنجاق اونا لازیمی بوتون معالیجه ائدیلیر. کامان اوستاسی‌نین عاییله‌سی، مطبوعات اورگانلاری و خبر آژانسلارینی یالنیش یازیلار یازماقدا قینامیشدی. اونلارین دئدیگینه گؤره کامانچا اوستاسی هابیل علی‌یئو صحتینده یارانان پروبلئملره گؤره آوگوست آیی‌نین ۱۵-ده اوره‌ک و تنفس چاتیشمازلیغی سببی ایله خستخانایا یئرلشدیریلمیش، صحتی نورماللاشاندیقدان سونرا معاینه‌سینی ائوده داوام ائتدیرمه‌سی اوچون آوگوست آیی‌نین ۲۲-ده ائوه بوراخیلمیش، بیر نئچه گون اول ایسه یئنی‌دن کومایا دوشموشدو.
(ایضاحی «ایشیق» سایتینا گؤندرن یونس بهلولی جنابلارینا اؤز منتدارلیغیمیزی بیلدیریریک)
***
عزیز و حؤرمتلی «ایشیق» اوخوجولارینین نظرینه چاتدیرمالی‌ییق که بیزیم طرفیمیزدن یاییلان خبر ANS PRESS یایدیغی خبره ایستیناد ائدیلمیشدیر. بیر داها اؤلمز صنعتکاریمیزا صحتینی الده ائتمه‌یی آرزی ائدیریک.
3 پاسخ
سلاملار حؤرمتلی وطنداشلاریم
بوشعری «هابیل علی اف»اون کامانچا سینین دویغو سونا یازمیشدیم آللاه تعالی غریق رحمت ایله سین
چال کامانی (هابیل عمی)،قوی لاپ اؤره کدن مه له سین
بو کؤنلومون دریــــن سَسی،صاحیبینی سیل که له سین
اویانسین خـــواب غفلتــدن ، ایتیرمـــه سین اصلی سینی
اصــلی کـرم داستانی تــک ،کــــرم ایتیرمیش له له سین
منـــی آتیب گئدن گـــــؤزل ، باخمــــادی گـــــؤزیاشلاریما
کیپــریکلریم دولسون یـــاشا ، آل یاناقا یـــاش چیله سین
گـــؤزلریآغـــــلار گـئتـمه یی، نـــه روادی عــاشیقینــه
بسدی داها آغــلاماقــــی ،گـــؤزلــرینی سورمه له سین
بــــو سؤزلـــری یازامـــالییام ، ائلـــــده ائل عاشیقلـــرینه
تئللی سازدا اوخوسونـــلار ، (درگاهی)سالیب شله سین
آه وزاری عـرشی گـــــــزیر ، فرش یانیـــــــر ی احــــوالینا
کؤرپــــه اوشاق تک اله ییر ، گـؤزیاشینی قـوی اله سین
الله تعالی رحمت ایلئه سین
یولی داواملی اولسون
کمانچاسی سسلی اولسون
نسیللریمیز بوماوی سس دن فایدالانسین
“Habil Əliyevin səhhətində heç bir irəliləyiş yoxdur. O, hələ də komadadır. Onun ətrafinda günümüzü dua etməklə keçiririk.”
Bunu ANS PRESS-ə açıqlamasında xalq artistinin ailə üzvləri bildiriblər.
Onların sözlərinə görə, hazırda sənətkara oksigen balonu vasitəsi ilə nəfəs verilir.
“Həkimlər sağalacağına yaxud vəziyyətinin daha da pisləşəcəyinə dair heç bir proqnoz verə bilmirlər. Çünki hazırda sənətkarın şuuru qapalı vəziyyətdədir. Ancaq ona lazımı bütün müalicə edilir”, – deyə ailədən bildirdilər.
Kaman ustasının ailəsi dünən mətbuatı yalnış yazılar yazmaqda qınamışdı.
Kamança ustası Habil Əliyev səhhətində yaranan problemlərə görə avqust ayının 15-də ürək və tənəffüz çatışmazlığı diaqnozu ilə xəstəxanaya yerləşdirilmiş, səhhəti normallaşandıqdan sonra müayinəsini evdə davam etdirməsi üçün avqust ayının 22-də evə buraxılmış, bir neçə gün əvvəl isə yenidən komaya düşmüşdü.
anspress.com