چئویرن: ایشیق
ترجمه: ایشیق
ایشیق
00:00
00:00

eldar muganli
سنی دوشوننده
ائلدار موغانلی

گلدین، قانادلاندی عشقیم، امه‌لیم،
بولودلار سینه‌مه سیخدی کؤینه‌یین.
گونشین ساچینی اوخشادی الیم،
قلبیمله قول- بویون اولدو اوره‌یین.

گلدین، ماویلیکده غرق اولدو حیات،
ماوی دالغاسینی ایتیردی دنیز.
ائله یوموشاق اولدو بو سرت کائینات
بولودا چئوریلدی محبتیمیز.

فصیل‌لر ده‌ییشدی دوغما دونونو،
پاییز دا یاز اولدو، قیش دا یاز اولدو.
قیزیل گول بزه‌دی سئوگی قوینونو
قلبیمیز گونشه پای‌انداز اولدو….

ووصالین چکمه‌دی گؤز قیرپیمیجاق،
حسرتین داغ اولوب سینه‌م اوستونه.
گونلر دال با دالا کئچیر بو سایاق،
یانیرام، گلن یوخ قالخان توستومه.

قورقوشون آسیلیب سانکی گؤزومدن،
نه آغیر فیرلانیر ایندی زامان دا!
دؤزوم دیله‌ییرم اؤزوم اؤزومدن
سنی دوشوننده، سنی آناندا.
خرداد ۱۳۷۱-تهران

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد.

سنی دوشوننده / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

سنی دوشوننده / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

سنی دوشوننده / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی