چئویرن: ایشیق
ترجمه: ایشیق
ایشیق
00:00
00:00

eloglu
صولحون سسی
ائل اوغلو

ای‌ دمیر پیلته‌لر آلوولانمایین‌
قانادسیز آرزولار، داها یانمایین‌
سیز ای‌ اراده‌لر هئچ ‌اوسانمایین‌
سئوگی ‌محبتی‌، سئوگی ‌نغمه‌سی‌
صولحون‌ گور سسی‌دیر
صولحون‌ گور سسی‌.

آنالار ـ آنالار سیز مه‌لشمه‌یین‌
اوزاقدان ‌اوزاغا، یئلکه‌لشمه‌یین‌
آجیقلار، آجیقلار مرمیلشمه‌یین‌
آنا طبیعتین‌، آنا لایلاسی‌
صولحون ‌گور سسی‌دیر
صولحون ‌گور سسی‌.

بنؤوشه‌ـ بنؤوشه‌ دیکسینمه‌ قیزیم‌
اورکوشمه‌ ای ‌منیم‌ خولیالار قوزوم‌
بوگون‌ دوشانلارین‌، صاباحسا، بیزیم‌
ایلک ‌باهار گولونون‌ عطری‌، نفسی‌
صولحون ‌گور سسی‌دیر
صولحون‌ گور سسی.

کؤرپه‌لر، کؤرپه‌لر قیغیلداشینیز
یئنگی ‌دونیانیزا، گؤز وورور اولدوز
باریش ‌فلسفه‌نیز، باریش‌ درسینیز
آزادلیق‌ مارشینین ‌شعری‌، شرقیسی‌
صولحون ‌گور سسی‌دیر
صولحون ‌گور سسی‌.

قورخولار، قورخولار چکیلین‌، گئدین‌
ایناملار ـ ایناملار گؤیرین‌، بیتین‌
بیلک‌لر ـ بیلک‌لر گویو تیتره‌دین‌:
– بیزیم ‌دنیامیزین ‌عشقی ‌هوسی‌
صولحون‌ گور سسی‌دیر
صولحون‌ گور سسی‌.

چاپ

یک پاسخ

  1. سایین ائل اوغلونون شعرینی هر زامان سئوه سئوه اوخوموشام…..مین یاشایین بو گؤزل شعرینیزه گؤره.

دیدگاهتان را بنویسید

نشانی ایمیل شما منتشر نخواهد شد.

صولحون سسی / ائل اوغلو

ایشیق
www.ishiq.net

آذربایجان ادبیات و اینجه‌صنعت سایتی

صولحون سسی / ائل اوغلو

ایشیق
www.ishiq.net

آذربایجان ادبیات و اینجه‌صنعت سایتی

صولحون سسی / ائل اوغلو

ایشیق
www.ishiq.net

آذربایجان ادبیات و اینجه‌صنعت سایتی