من صولحه سس وئریرم
حسین عارف
من صولحه سس وئریرم،-
میلیونلاردان بیری تک؛
قوی بیر داها اوردولار
اوز- اوزه دایانماسین.
من صولحه سس وئریرم،-
بومبالارین سسیندن
بئشیکده‌کی کؤرپه‌لر
هیچقیریب اویانماسین.
من صولحه سس وئریرم،-
بِؤیوک کندلر، شه‌هرلر
ویران اولوب قالماسین
توستو-دومان ایچینده.
من صولحه سس وئریرم،-
قدیم آبیده‌لری
یئرله یئکسان ائتمه‌سین
توپلار بیر آن ایچینده.
من صولحه سس وئریرم،-
آغ ساچلی آنالارین
گؤزلری یاشلا دولوب
قلبی داردا قالماسین.
من صولحه سس وئریرم،-
جاوان قیزلار، گلینلر
باخیب-باخیب یوللارا
اینتیظاردا قالماسین.
یک پاسخ
اوشاقلیق ایللری بو ماهنینی باکی رادیو و تئلئویزیاسندان چوخ ائشیتمیشدیم ایندیده موسیقی سی قولاغیمدادیر. نه گؤزل سؤزلر. آنجاق منده صولحه سس وئریرم.