ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

goja
یارین خطرینه
قوجا موغانلی

پريشان اوزانام کؤهنه ساز وئرين
مين هاوا یارادیم يارين خطرینه!
شاختالي عؤمرومه وارسا ياز وئرين
ساچلارا اله‌نن قارين خطرينه!

تئليندن آسيليب پرده‌سيز سازيم
سوسوبدو گرايليم، باتيب آوازيم
سيزيلدار باياتيم، شوروم، شاهنازيم
کامانين خطرينه، تارين خطرینه!

لاله‌لي داغلاردان ایلهاملار آليم
ساري تارلالاردا، دويغويا داليم
چيچکلي باغلاردا سرگيلر ساليم
آلمانين – هئيوانين، نارين خطرینه!

سوس دئدين:”قوجا”يا، هله سوسماييب
چتين سيناقلاردا ديزي اسمه‌ييب
نه سندن اينجيیيب، نه‌ده کوسمه‌ييب
سنده اولان دوز ايلقارين خطرينه!

یک پاسخ

  1. سالاملار شاعير . كاش ساده نثري آهنگين اوخوماقلا، پست مدرن شعير آدينا ملته ساتانلار سنين بواينجه شعريني اوخويوب بير شئي اويره نه لر. قلمين گوجلو طبعين آخار اولسون .

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *