اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

faranak farid
بابک قالاسی‌نین خاتینی
فرانک فرید(ایپک)

یاسدیغیمدا بوغولورام،
و ایچدیگیم بیر ایچیم سودا.
گؤز ایله ایشیق، بیر آرایا گلمه‌دی،
بو چنلی شه‌هریمین قالاسیندا.

اوخشاییرام،
بابک قالاسی‌نین خاتیـنینی اوخشاییرام.
سن گلن گون قیرمیزی دونومو گئیه‌جه‌یم
و اوزون-اوزون ساچلاریمی
آیاغی‌نین آلتینا سره‌جه‌یم.
قارالیغیندان قورخما،
سن گلنه‌دک آغاراجاقلار.

اوزونه هئچ توز قوندورما!
قادینین قانینا قاریشیب
قوروماق،
بوتون کؤرپه‌لری امیشدیرمیشم
شراب کوپ‌لرین یئره قویلامیشام
سؤز سالخیم‌لارین اوره‌ییمدن آسلامیشام
آغلاسام دا، گیزلیجه آغلامیشام.

باخسان گؤرر‌سن،
یئنی‌دن گلین اولوب ــ
قالانین قیوریم پیلله‌لریندن
یئنـه‌رک، سمایا بویلانیرام؛

قول‌لاریمی ائله بوینونا سالا بیلـه‌رم کی . . .
تیر آیی 1383

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *