چئویرن: ایشیق
ترجمه: ایشیق
ایشیق
00:00
00:00

omid najjari
اونوتمالی‌یام
امید نجاری

 اونوتمالی‌یام
نه وارسا سندن بئله
قارا ایشیقلار
باتی‌لار
گؤزلریمین قارشیسیندا دورورسا
منیم اوچون زیندان قورورسا
اللرینی جیبینه قویوب
فیکیرلرله تنها گزیرسه، من
دولورسا کؤلگه‌لر قارانلیقلار ایچینه
باخیشلار اوره‌کسیز گؤزله وورولورسا
او هئچ دینمه‌ییر
او هئچ بیلمه‌ییر
اؤگئی قوش کیمی، یووالاردا اؤله‌جک دئیه بیریسی وار
گولورسه تانری
ساحیل ایله دالغا بئزمه‌یه‌جک گئجه‌نین سس‌سیزلیگینه
بیتمه‌یه‌جک ساتیلمایان کیتابین سؤزلری
بیتمه‌یه‌جک گئده‌ن یول‌لارین ایزلری
باشینی گزدیریرسه
آرخایا دؤنورسه
سئوینجده‌ن، یاناقلاردان کپنک‌لر سوزوله‌جک
اوچاجاقدیر سینه‌لرین اورتاسیندان قوشلار
اونوتمالی‌یام
بوش- بوش بئله آخشاملارین خیالینی
یئنه دور یوخودان
آخشاملارین خئیر اولسون
سن یئر اوزونون آدامی‌سان.

چاپ

دیدگاهتان را بنویسید

نشانی ایمیل شما منتشر نخواهد شد.

اونوتمالی‌یام / امید نجاری

ایشیق
www.ishiq.net

آذربایجان ادبیات و اینجه‌صنعت سایتی

اونوتمالی‌یام / امید نجاری

ایشیق
www.ishiq.net

آذربایجان ادبیات و اینجه‌صنعت سایتی

اونوتمالی‌یام / امید نجاری

ایشیق
www.ishiq.net

آذربایجان ادبیات و اینجه‌صنعت سایتی