ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

hoseyn arzoo
ایکی شعر
حسین آرزو

(1): اوشاقلیق
یایی هر فصیلدن چوخ سئومیشدیم اوشاقلیقدان؛
یای‌دا
هئچ کیمسه جوراب گئیمزدی؛
ایاق‌لاری،
ایاق‌لارین بارماق‌لارینی-
سئوردیم من.

بارماقدان تانییاردیم-
انسانی،
انسان اوغلونو،
انسان قیزینی.
من یایی،
ایاغی،
بارماغی،
انسانی
سئومیشدیم اوشاقلیقدان.

(2): پنجره
تبریز یاغیر پنجره‌دن باخاندا محله‌نین آغاجلارینا،
بیر اوشاق
آناسیندان قاچیر یولداشین گؤرنده؛
خیاوانین قیراغیندا اوتوروب
دوعا ائله‌ین بیر دیلنچی.

گؤزوم پنجره‌ده؛
تبریز،
تبریز اوشاغی،
آنا،
یولداش.
پنجره گؤزومده؛
یاغمور،
محله‌،
خیاوان،
دیلنچی.
پنجره گؤزومده،
گؤزوم پنجره‌ده.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *