بوگون یکشنبه 29 فروردین 1400 ساعات 15:49
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

eldar muganliبو تورپاق وطنیمدیر
ائلدار موغانلی

داغلارین دؤشونده گؤزوم قالیبدی
بونو کیمه دئییم، کیمه سؤیله‌ییم
بیر سینه دولوسو سؤزوم قالیبدی
بونو کیمه دئییم، کیمه سؤیله‌ییم

بو دؤش‌لر، یاماج‌لار اویلاغیم اولوب
چیچکلی یایلاقلار یاتاغیم اولوب
سایریشان اولدوزلار چیراغیم اولوب
بونو کیمه دئییم، کیمه سؤیله‌ییم

چن دومان ایسلادیب دویغولاریمی
قایالار بورویوب یوخولاریمی
من اوندان آلمیشام اؤز ووقاریمی
بونو کیمه دئییم، کیمه سؤیله‌ییم

چوخداکی باشیندا دونموش قار یاتیب
او گئنیش کؤکسونده آلوولار یاتیب
ایستی اوره‌یینده ایلک باهار یاتیب
بونو کیمه دئییم، کیمه سؤیله‌ییم

بو ائلین سئوینجی، غمی منیمدیر
غرورو منیمدیر، دمی منیمدیر
“ائلدار”ام بو تورپاق اؤز وطنیمدیر
بونو کیمه دئییم، کیمه سؤیله‌ییم
اردیبهشت ۱۳۹۱- تهران

3 پاسخ

  1. سؤز اوره یی آرتیق سیزلادیر ، اولور شعیر ، شعیرین چالغی لاری نه قده ر ساده ونه قده ر اؤز اوره ی لرینین الیف- بالاریندان علاوه باشقا الیف ـ بالارلا تانیش اولمایان آنالارین اوخشامالارینا بنزرلی اولاندا ، داها ایلاهیانه اولور. بو شعیر همن ائله بومعنالاری داشییر .

  2. چوخ گؤزل بیر شئعیر اوخدوم لذت آپاردیم وار اولون مؤحترم شاعیر

    چن دومان ایسلادیب دویغولاریمی
    قایالار بورویوب یوخولاریمی
    من اوندان آلمیشام اؤز ووقاریمی
    بونو کیمه دئییم، کیمه سؤیله‌ییم

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *