ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

kiyan xiyaviباغیرماغین دادی اوچون
کیان خیاو

 باشقا ایشلرله ایشیم یوخ
باغیرماغین دادی اوچون باغیریرام، قارداش!
اؤلوم جانلی ائفئرده‌دیر هله‌لیک
و یازدیغیم بو قوشوقلار،
اوخونان بؤیوک بیر سسدیر دویان اوچون.
بؤیوک بیر سسی دینله‌مک
ان بؤیوک بیر آنی اولمالی یاشامین
بیلیرمیسن؟!

من یاشامی دوشونورکن،
گؤووده‌م بیر اسمه‌‎جه توتور نه‌دنسه.
سن منیم قوشوقلاریملا بیر یاللی گئده‌رسنمی،
من قیزینیرام .

کيمي آنلار
ائله قورخورام کی توسباغالاردان
دووشان اولوب قاچماق ایسته‌ییره‌م قارشیلاریندان.
قوشوق، قورخو باغیرماسی‌دیردا بو دوروملاردا؛
چوخلارینی یئریندن اوینادارکن
چوخلاری‌دا اؤلوم قوخوسونو دویارلار اوندان.

آرتیق باشقا بیر ياشامدير بو باغیرمالار، قارداش!
آنلاشیلماز بیر چئشید اؤلومه دوغرو
آنلاشیلماز بیر ياشام.

و من قوشوق یازارکن،
جان ساغلیغیملا قومارا اوتورموشام سانکی.
دیل- دوداغیم ایشدن دایانمایینجا
باغیرماغیم ائفئرده‌دیر هله‌لیک؛
بودور، اؤلوم وئرلیشینی سورورم…

آه،اﺋ…ی باغیرماقدان،
باغیرساقلاری ییرتیلماق ایسته ینلر!
بویورون!

خرداد آیی  1384

 

2 پاسخ

  1. سلاملار. چوخ گؤزل و آنلاملی شعیردی. اللریز و اوره یینیزه ساغلیق عزیز شاعیر و یازار کیان بَی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *