چئویرن: ایشیق
ترجمه: ایشیق
ایشیق

sharife cafari
هر دن ائله قورخورام کی …
شریفه جعفری

سنی الدن وئره‌جه‌یم
هردن ائله قورخورام کی
او گون گلسه اؤله‌جه‌یم
هردن ائله قورخورام کی

سن اویورسان من باخیرام
ایچیمده اوخشورام سنی
ایسته‌ییرم جوجوق کیمی
قالدیریب اویدورام سنی

قوزو کیمی اویویورسان
باخیرام شعیریم داشیر
ایچیم تؤکولور ایچیمه
کاغاذ سوسور، قلم چاشیر

بارماقلاریم اختیارسیز
ساچلارینی تومارلاییر
سنه ائله اؤلورم کی
عؤمور دیقه‌لرین ساییر

هردن ائله قورخورام کی
یانیندا دا اؤزله‌ییرم
باشین دیزیمین اوستونده
قورخودان سنسیزله‌ییرم

سنی مندن آلاجاقلار
هردن ائله قورخورام کی
منی سنسیز قویاجاقلار
هردن ائله قورخورام کی…
۲۶/۱۰/۲۰۱۲

 

چاپ

2 پاسخ

  1. شریفه خانم من بعضن سیزین شعرلرینیزدن فیسبوک صفحه ام ده دوستلار ایله پایلاشیرام، اوماریم کی راحاتسیز اولمازسینیز و بو گونده “دیلیم یالقیز” شعرینی دوستلار ایله پایلاشدیم.سیزه باشاریلار و. اغورلار آرزولاییرام.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

هر دن ائله قورخورام کی …/ شریفه جعفری

ایشیق
www.ishiq.net

آذربایجان ادبیات و اینجه‌صنعت سایتی

هر دن ائله قورخورام کی …/ شریفه جعفری

ایشیق
www.ishiq.net

آذربایجان ادبیات و اینجه‌صنعت سایتی

هر دن ائله قورخورام کی …/ شریفه جعفری

ایشیق
www.ishiq.net

آذربایجان ادبیات و اینجه‌صنعت سایتی