چئویرن: ایشیق
ترجمه: ایشیق
ایشیق
00:00
00:00

rasul rza
منده اختیار اولسا
رسول رضا

من ایسته‌ییرم:
بولودلار آغلاسین
اوشاقلار آغلاماسین؛
آنالی یا آناسیز.
من ایسته‌ییرم:
گوللر آچیلسین،
گولله‌لر آچیلماسین،
آمانلی یا آمانسیز.
من ایسته‌ییرم:
قاپیلار قاپانسین
سویوق اولاندا هاوا.
گؤزلر قاپانماسین،
سؤزلر قاپانماسین.
من ایسته‌ییرم:
یانغین‌لار سؤنسون،
اومیدلر سؤنمه‌سین.
مئیوه‌لر دیسین اؤز فصلینده.
اورکلره سؤز دیمه‌سین.
بهردن بوداقلار اَییلسین.
اینسان باشینی اَیمه‌سین،
خجالتدن یا گوجسوزلوکدن.
آخسین بولاقلار گؤز یاشی کیمی،
تورپاغین اوزه‌رینده.
گؤز یاشی بولاق کیمی آخماسین
دونیانین هئچ بیر یئرینده.
هر شئی اینسانا باخسین.
اینسان اله باخماسین.
گئجه‌لر اولدوزلار اویاق اولسون.
اینسانلار یاتیب دینجلسین؛
قووت توپلاسین صاباحین
خئییرلی ایشلرینه.
آچسین گؤزلرینی
گله‌جه‌یین اومیدلی سحرینه.
من ایسته‌ییرم:
سئوینج، سعادت بول اولسون.
اورکدن-اوره‌یه،
اؤلکه‌دن-اؤلکه‌یه،
آچیق یول اولسون.
۱۹۶۴

 

چاپ

2 پاسخ

  1. اورکدن جوشان سلاملار وسایقیلارلا
    من بو وب دن گوروش ائدیب ودئیرلی اینسان لارین ویازیلارین تانی ییب و اوخوماغا چالیشیرام من آذربایجانیمیزین سئویب و یاشادان لاریننام منیم … لینک اوچون سیزین آدرسینیزی ایستردیم وار اولون

دیدگاهتان را بنویسید

نشانی ایمیل شما منتشر نخواهد شد.

منده اختیار اولسا/ رسول رضا

ایشیق
www.ishiq.net

آذربایجان ادبیات و اینجه‌صنعت سایتی

منده اختیار اولسا/ رسول رضا

ایشیق
www.ishiq.net

آذربایجان ادبیات و اینجه‌صنعت سایتی

منده اختیار اولسا/ رسول رضا

ایشیق
www.ishiq.net

آذربایجان ادبیات و اینجه‌صنعت سایتی