قورخو
علی تقی‌زاده لاریجان
من‌ده تله‌سيرم سن تكي آ دوست
شاختالي قیش دؤنه ايلیق باهارا
يايین هنيرتيسي حسرت يارادا
كؤنلوموزده يئنه شاختايا، قارا
فصيل‌لر، هاوالار نه اولور اولسون
خوشدي صحبتينله اؤتوشن آن‌لار
سنله وصف ائدنده چوخ اينجه‌لشير
دره‌لرده چاي‌لار داغدا دومان‌لار
هئچ نه‌دن قورخمورام هله‌ليك گولوم
چاراسيز دردلره تاپيلير چارا
يامانجا قورخورام ائله گون گله
سنله دانیشماغا سؤزوم قورتارا !
یک پاسخ
سالاملار و سایقیلار؛
یاشاسین عزیز دوستوم علی تقی زاده جنابلاری… سیزه اوغورلار دیله یی ایله.