دونیا قادینلار گونو موبارک اولسون
آقا؟…
اولکر اوجقار
من سیزی قاباقجا بیر یئرده گؤرمه‌میشم آقا؟
اللریز
اللریز چوخ تانیش گلیر منه
هردن سیزین اللریزه داریخماق اولار آقا؟
هردنسه یوخودا گؤروب دیکسینمک؟
هردنسه یئنه داریخماق و ساده‌جه داریخماق
هردن آقا!
هردن.
بیر جوت داغ باشماغیز قالیب بیزده
قاپی قاپی گزیب،
گئیدیریم اوغلانلارا گؤره‌ک کیمین آیاغینادیر؟
تاپیم سیزی ایتیردیگیم یئردن؟
باشماقلاریز گون به گون بؤیویور
یئریمیزی توتوب!
هله
بیر صاندیق سئوگی مکتوبوز دا وار
جیردیغیم شکیل‌لریز ده
آتدیغیم قیرمیزی گوللو ملحه‌فه‌ز بیله
هله جاوانسیز ایشیزه گلر آغا!
ایندی هر نه سامان کیمیدیر
ساخلایاندا زامانی گلیر
آتدیغیمیز کیشیلر بیله
زامانیلا گرکیمیز اولور!
ساده‌جه بیر داریخماق قده‌ر بلکه.
سیزه ده داریخماق اولور هردن؟
ساده‌جه داریخماق آقا!
90.۱.۶
یک پاسخ
اولور… ساده‌جه داریخماق اولور… ساده‌جه یوخودا گؤروب اینانماق اولور… یوخودان آغلار گؤزلرله دیسکینمک اولور… هامیسی اولور…