چئویرن: ایشیق
ترجمه: ایشیق
ایشیق
00:00
00:00

eldar muganli
سئوگی گونوموز
ائلدار موغانلی

بیر عشقی تن بؤلدوک ایکیلیکده بیز
من سنی، سن منی سئودیگیمیز گون
آنالی یاشادی یئتیم عشقیمیز
من سنی، سن منی سئودیگیمیز گون

تورپاق یاشیل‌لاشدی، سما گؤیردی
گونش ساچلارینی دنیزه سردی
دالغالار ساحیلدن اؤپوجوک دردی
من سنی، سن منی سئودیگیمیز گون

باهار عطری یاغدی اللریمیزه
نه پاییز، نه ده قیش گلمه‌دی گؤزه
گلن گونلریمیز قیسقاندی بیزه
من سنی، سن منی سئودیگیمیز گون

سن منیم عؤمورلوک ائکیزیم اولدون
سن منیم گئجه‌سیز گوندوزوم اولدون
سن باشقا اولمادین، سن اؤزوم اولدون
من سنی، سن منی سئودیگیمیز گون

دومانلار ساچیما قونسا نه دردیم
سنه هر بیر زامان من گووه‌نردیم
لاپ بو یاشیمدادا گنجلیک ائدردیم
من سنی، سن منی سئودیگیمیز گون
بهمن ۱۳۹۰- تهران

چاپ

3 پاسخ

  1. ساغ اول قارداشیم نئجه ده گؤزلدیر اللرینه ساغ لیق

    دومانلار ساچیما قونسا نه دردیم
    سنه هر بیر زامان من گووه‌نردیم
    لاپ بو یاشیمدادا گنجلیک ائدردیم
    من سنی، سن منی سئودیگیمیز گون

دیدگاهتان را بنویسید

نشانی ایمیل شما منتشر نخواهد شد.

سئوگی گونوموز / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

سئوگی گونوموز / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی

سئوگی گونوموز / ائلدار موغانلی

ایشیق
www.ishiq.net

آذربایجان ادبیات و اینجه‌صنعت سایتی