اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

hasan safoora
سنلی شعرلر
حسن صفورا

(1)

گئجه‌نین

نفس‌لری آلوو چکیر

داغیلمیش بیر اولدوز تک

تکی سن باخیشلاریندا یاغیرسان

بیر جانلی نسیم تک یانمیش اورک‌لره

دونیا بیابان اولار سن باخماسان بو آلوولو یئرلره

دولان بورالاردا، باهار گلسه قاییتماسین بیزیم یئرلردن.

(2)

سن

بیر ساری کوینک

من ده بیر یاشیل آغاج

هر گون یارپاقلاریمی ترپه‌دیرم

سن گلیب بوداقلاریمدا قاناد چالاسان

بلکه ده هردن سئودین جهجه ده ووردون اوجادان

آخی قانادسیز ،جهجه‌سیز آغاجلار کور و کار آداما بنزه‌ییرلر.

(3)

سن

منی آپارمادان

رویالاریم منی آپاردیلار

هله ده گئدیرم سنه چاتانمیرام

سن عاقیللی یوللارداسان، من ایسه دلی

دلی‌لر هئچ زامان عاقیللی‌لارا چاتا بیلمزلر.

(4)

سن

آتینی سور

من پیادا گلرم آنجاق

بیر دونگه‌ده چاتیشاریق

سن آت‌سیز من یئنه ده پیادا

ایاقلاریمی سنه بورج وئره‌رم، داریخما

بیزده عادت‌دی سئوگینی آتا میندیرمک گؤزل.

(5)

یوخولاریمدا

دونقوز دولانیر

بورنوزون توتوب گئدیر

“بوردا منم باغدادا کور خلیفه”

بیر ایگده آغاجینا آسلانماغین گؤرورم

هئچ سئومیرم نه یوخوسون، نه ده آییغین

بلکه دونقوزلار بو شهردن گئتمیش اولاردی‌لار

من ایسه بو دهشت یوخولاریمدان آییلان زامان.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *