ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

kiyan xiyavi
اورمو گؤلو دانیشیر
کیان خیاو

قورد داغین قوشوقچوسودور

سئرچه باغین

من سنین.

سنی سئویرم دئییرسم

گئنل سؤزجوک‌لرین اؤزل قوللانیمی‌دیر بو!..

اورمو گؤلویم، نازلیجام!

گؤزیاش‌لاری‌نین آداسی قوینوم‌دا

گل آغلا منی!..

ده‌ییشیرم

داملا-داملا بوغلاییب گئدیرم ایشیمه

گئدیر ایشینه یارین‌لار یاغیشی

سویویور قان تری یئلگه‌لی قیسراق‌لارین…

اورمو گؤلویم، آی‌پارام!

توزا قالسا باشی توز بیر زینه‌یم

قیزا قالسا اوستو بوم‌بوش بیر بولاق

دوزا قالسا یاراسینا قوورولوب دورموش بیر گؤل.

منه قالسا،

یوز ایل‌لردن بری اوزاناییب گلن

اوزون ساققاللی بیر بیلیکلی دده‌نین

دامارلاریندان سویولان اوغوز قانییام من.

گل داملا-داملا-داملا،

داملا منی!..

گل قورخما!

دنیزین اؤلموشو بئله

بالیغینی اوره‌یینده یئرلشدیرر دئیه

سئویرم سنی…

قورخما!

دوز دنیزینی ایچردیییمه باخما

بیر کفنیم بئله یوخدور

یوخسا بیر دؤنه –سونونجو دؤنه‌م اولسون!-

یاشدان قوروموش گؤزونه باخیب اؤله‌رم…

باخ، دویونجا باخ گؤز یاشی آداسینا!

گؤر ده قوینوم سنسیزلییین آناسی‌دیر؛

آرتیق تانریدان بوشالمیش

گؤی مچید آستاناسی.

گل، اوزاقدان دوروب باخما!

سنسیز قوجوم قورت-قوش مئیخاناسی‌دیر!..

منه بیر آز سو، بیر آز قان

بیر آز آلوو

بیر آز فلامینگو

هوووو!..

8/ 2/ 1391

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *