چئویرن: ایشیق
ترجمه: ایشیق
ایشیق
00:00
00:00

omran
چیلله آخشامی
عمران صلاحی

چیلله آخشامی

کورسو آلتیندا

اوتوروب هامی

یئیب‌لر شامی

اوشاقلار اوینور

یورغان اوستونده.

یورغان اوزولوب

کورسو اوستونده

چایلار دوزولوب

شیرین پارتاخال

چایلار دال با دال.

شوشه دالیندا

گؤر نه قار یاغیر.

حیه‌طیمیزده

پامبیق اکیبلر.

گؤز قاباغینا

پرده چکیبلر

هاوا، یاوادیر

یئنه یئل اسیر

قولاغی کسیر

شاختادیر – شاختا

پالتار، ایپ اوسته

گئجه اوزوندور

هاوا قارانلیق.

شوشه دالیندا

قارقا ییغیشیب.

سویوق چیلله ‌ده

دوروب پیلله‌ده

قاپینی چالیر

جانیمی آلیر

کئچن گونلری

یادیما سالیر.

آتام دایانیب

قاپی دالیندا

شوشه‌دن باخیر.

یئنه آتامین

الی دولو دور

– قاپینی آچین!

– قاپینی آچین!

قاپی آچیلیر

– هانی پس آتام!

کوره‌ک ییخیلیب

دووار دیبینه

کؤلک کئف‌لنیب

حیه‌طی گزیر

شاختا، پیچاغین

قویمور جیبینه.

شوشه دالیندا

قیشین نفسی

کورسو آلتیندا

آغلاماق سسی…

 مراغه – ۳۰/۹/۱۳۵۱

چاپ

مجله ایشیق شماره 4

آذربایجان توی‌لاری

مجله ایشیق شماره 3

آذربایجان و مهاجرت مساله‌سی

مجله ایشیق شماره 2

آذربایجان قفه‌خانالاری

مجله ایشیق شماره 1

آذربایجان معلم‌لری و تحصیل مساله‌سی

باشقا اثرلری

3 پاسخ

دیدگاهتان را بنویسید

نشانی ایمیل شما منتشر نخواهد شد.

چیلله آخشامی / عمران صلاحی

ایشیق
www.ishiq.net

آذربایجان ادبیات و اینجه‌صنعت سایتی

چیلله آخشامی / عمران صلاحی

ایشیق
www.ishiq.net

آذربایجان ادبیات و اینجه‌صنعت سایتی