چئویرن: ایشیق
ترجمه: ایشیق
ایشیق
00:00
00:00

karim
شعرلر
کریم قربانزاده

(۱)

سئودالیم دایان

تکجه آیرلیغی گتیرمیرسن،

دنیزدن دالغانی

حیاتدان گونشی

دونیادان وارلیغی آپاریرسان.

 

(۲)

دنیز یارالانیر،

دالغالار قانا دونور-

بالیق‌لار اوولاناندا.

 

(۳)

هره‌نین اؤز دادی وار

یاغموردا اورمان،

زیروه‌ده دومان…

باشقادیر

سورگونه وطن،

محبوسا گونش،

سئوگی‌یه گؤروش دادی.

 

(۴)

ییر دؤنه گؤیدن آلما دوشدو

تاپدی نیوتون جاذیبه‌نی

مین دؤنه توپراغا دوشدوم

بیر دؤنه تاپمادین منی.

 

(۵)

قاپیدا دورموشدوز

سن،

کؤلگن،

گونش.

سن گئتدین

کؤلگن‌ده گئتدی

گونش‌ده گئتدی

یالقیز قاپی

بوروخلارا بویلانیردی

آی

خاطیره‌لری واراقلاییردی.

چاپ

دیدگاهتان را بنویسید

نشانی ایمیل شما منتشر نخواهد شد.

شعرلر / کریم قربانزاده

ایشیق
www.ishiq.net

آذربایجان ادبیات و اینجه‌صنعت سایتی

شعرلر / کریم قربانزاده

ایشیق
www.ishiq.net

آذربایجان ادبیات و اینجه‌صنعت سایتی

شعرلر / کریم قربانزاده

ایشیق
www.ishiq.net

آذربایجان ادبیات و اینجه‌صنعت سایتی