اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

 kiyyyan
آرخا‌دان نییه؟
کیان خیاو

آرخا‌دان نییه؟

اللرینی چوخدان تانیییر گؤزلریم

آدینیسا

بیر آن بئله اونوتمامیشام.

آغاجلار آتیشماسیندا

قیشا قارشی سؤیله میشم سنی

و یوووخ،اونوتمامیشام

یارپاقلاریمین اوستونده اویناق آیاقلارینی.

من ده سنینله کؤچموشدوم بورا‌لاردان

من ده سنینله سورگونده

بوتون قول-بوداقلاریملا.

من ده سنینله یووامی

قانلی کؤینه یینده بوراخیب گئتمیشدیم

من ده سنینله سیلمیشدیم

دوداغیمین بیر اوجوندا قالان قانی

بارماغیمین بیر اوجویلا.

و او قانلار…

قانلار هله یویولماییب اووچولار اللریندن

و او قانلار…

دوشن کیمی قورویوب قالمیش کیرلی دیرناقلاریندا.

آرخا‌دان نییه؟

گل ده اؤنومه سؤیله ییم سنه بیر-بیر

بیر گئجه بیر یارپاق

ایکی گئجه بیر قوشا یارپاق

اوچ گئجه بیر باغلام سؤزجوک

دؤرد گئجه ایکی باغلام

سنین اوچون اتیمدن و سومویومدن

نئجه

نئجه

نئجه ده پای وئردیم بو اووچولارا!

ایندی قوپان بوداقلاریمین سینیق سسیدیر آدین

آغاجلار آتیشماسیندا

قیشا قارشی سؤیله نن قانلی-قانلی.

و اللرین یاشامیمدیر

گؤزیاشی تیپینده قونموش گؤزلریمه.

دوشسه دوشه‌جک گؤزومدن

اونوتما!

آرخا‌دان دا منی قوجاقلاما آنجاق

اؤنومه گل،اؤنومه

اللرینی اللریمین ایچینه قوی

بؤیوک-بؤیوک سئوگیلی آدینی دینله

آغزیم دولوسو!

بهمن آیی 1389(2011)

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *