ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

leyli
قیسا شعرلر
لئیلی کحالی

(1)

توروما دوشمه‌دی قیرمیزی بالیق

الی بوش دؤنورم سئوگیندن سنین.

فیرتینا قوپاجاق بو دنیزلرده

یئنه دالغالانیر ماوی کؤینیین؛

قاییغیم باتاجاق سینه‌نده سنین…

(2)

نه واردان وار

نه یوخدان یوخ

ایمکانسیز قالان

ایمکان آدامی…

آللاه اولسایدیم آغلاردیم…

(3)

هردن بئله داریخیرام

هردن بئله غوربت اولور

لاپ آنامین اؤز قارنیندان

اوگئی آنا دوغور منی…

(4)

باشیمداکی آغیر سورغو

قیرمیزی قورصلاری سئویر…

 

(5)

آتدیم اؤزومو

آرپاچایی قورودو!

سئل تکجه سنی سئویرمیش…

2 پاسخ

  1. یورولمویاسز ، اللریز آغریماسین اشییزین سوزو یوخدو ، چوخ بیندیم ، الله سیزی قوروسون کی آذربایجان ادبیاتی و دیلی یولوندا چالیشیسیز.
    بونو بیلین که سیزین یازدیغیز هر اثر آذربایجان میللتی اوچون چوخ لازم وعین حالدا دیرلی دیر ، من اوز نوبمده اللریزدن اوپورم ، ساغ اولون

  2. یاشا واللاه،چؤخ گؤزلدی
    فیرتینا قوپاجاق بو دنیزلرده
    یئنه دالغالانیر ماوی کؤینیین؛
    لاپ آنامین اؤز قارنیندان
    اوگئی آنا دوغور منی…
    *****************

    “سارا”نی آتادان آلیب قاچدیلار
    “نبی” نین دؤشونه گولله تاخدیلار
    اوبیری قارداشی دارا ساچدیلار
    اؤلمدی دؤزوملو میللتیم منیم.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *