چئویرن: بؤیوک‌آغا افندی
ترجمه: بؤیوک‌آغا افندی
بؤیوک‌آغا افندی

توپ میدانی دئییل بورا

گلیب گئدن بیر شوت وورا

داور اولا تاماشاچی

تاماشاچی قورغو قورا

بوشالا جیبیم، صاندیغیم

گل باشینا دولاندیغیم!

×××

آت مینیب, آلما آتانلار

عشقی‌ده موفته ساتانلار

بیر کلله قند، بیرده موللا

اوخویوب سسی باتانلار

قیراقدان باخیب یاندیغیم

گل باشینا دولاندیغیم!

×××

مین سیککه‌یه سؤز وئریرم

ایشیق کی یوخ، گؤز وئریرم

دؤرد یوز تومن آیلیغینان

قیز آلیرام، قیز وئریرم

حاضیر اول آی یوباندیغیم

گل باشینا دولاندیغیم!

×××

بیر قاریش یئر بش یوز میلیون

کاخ تیکیلیر بئش-بئش، اون- اون

داخماسیزلیق قورخوسوندان

ایسلانیبدیر اگنیمده دون

آرواد اوشاق اوتاندیغیم

گل باشینا دولاندیغیم!

×××

شیله – شوربا تؤک ایتیوه

هونر گؤستر فست‌فوتووه

چؤرک تاپماسادا چوخو

نه عئینیوه، نه گؤ ….

 هارینلیقدان اوساندیغیم

گل باشینا دولاندیغیم!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

گل باشینا دولاندیغیم!

بؤیوک‌آغا افندی
www.ishiq.net

آذربایجان ادبیات و اینجه‌صنعت سایتی

گل باشینا دولاندیغیم!

بؤیوک‌آغا افندی
www.ishiq.net

آذربایجان ادبیات و اینجه‌صنعت سایتی

گل باشینا دولاندیغیم!

بؤیوک‌آغا افندی
www.ishiq.net

آذربایجان ادبیات و اینجه‌صنعت سایتی