هارای/ میرجمال حسینی
چئویرن: ایشیق
ترجمه: ایشیق
ایشیق
00:00
00:00

mir camal
هارای…
میرجمال حسینی (اینجیک)

هارای ایشیق قانادلی‌لار!

قاسناق چالمیش یارامیزی قاناتدیلار

ایناندیغیم ایناملاری سویوبدولار

حقیقتین قولاغینی بوروبدولار

گؤزلرینی اوغوبدولار.

×

هارای ایشیق قانادلی‌لار!

گؤزللیگی سئونلری

یامان گونه قویوبدولار،

نه بیر اوشاق دجل‌لییی

نه بیر اوزان نصیحتی

نه قیزلارین تبسسومو

نه ارلرین ایگیدلییی

سئویندیرمیر اوره‌کلری.

×

هارای ایشیق قانادلی‌لار!

آغ بیرچه‌یین یاییلیغینی

آغ ساققالین حؤرمتینی

آیاقلادی بیزیم زامان،

اوشاقلیغین دوشونجه‌سین

گله‌جه‌یین دویغوسوندان

قایچیلادی بیزیم زامان،

خیال قوشوم قارانقوشوم

کوسوب، گئتدی،

گؤیدن دوشن اوچ آلمانی

اوغورلادی بیزیم زامان؛

×

هارای ایشق قانادلی لار

هارای ایشق قانادلی لار !

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

هارای/ میرجمال حسینی

ایشیق
www.ishiq.net

آذربایجان ادبیات و اینجه‌صنعت سایتی