چئویرن: ایشیق
ترجمه: ایشیق
ایشیق
00:00
00:00

 اؤلوباز بیر دلی خلقیک بیزه بو ارث‌دی باشدان

کئچه‌ریک بیر اؤلودن خاطیره مینلر دیری باشدان.

اؤلو حقینده قوشوب، یازدیغیمیز نوحه، مراثی

دیری‌لر سهل‌دی قان یاش چیخارار قاپ قارا داشدان.

اؤلونون آردیجا احسان وئره‌ریک پای دوگو تای- تای

دیری اؤلمکده آجیندان پایی یوخ بیر کاسا آش‌دان.

اؤلویه مقبره، مرقد، نه رواقلار کی تیکرلر

دیری یاتمیش کوچه‌ده یورغانی گؤی، یاسدیغی داشدان.

اؤلوبازلار دیاریندا اؤلو حاکمدی بو سؤزسوز

دیری انسان دئیه بیلمیر کی وارام من‌ده یاواشدان.

شاعر آزاددی بو یئرده یازا غم، غصه‌لی سؤزلر

حقی یوخدور یازا لاکین قارا گؤزدن، قارا قاشدان.

اؤلویه مدح مجازدیر یازیلا هر نه جور اولسا

ولی یوخ یازماغا حقی دیریلیکدن، قورو- یاشدان.

دیرینین جراتی یوخدور اؤلویه معترض اولسون

تؤکولوب چونکی وورارلار دوشر حالدان، گئده‌ر هوشدان.

سن‌ده ”یالقیز“ بو یاتان خلقی جهالت یوخوسوندان-

سسله‌ییب قیشقیر، اویاندیر، دایانیب قالما تلاشدان.

چاپ

دیدگاهتان را بنویسید

نشانی ایمیل شما منتشر نخواهد شد.

اؤلو باز ملت/ مجید یالقیز

ایشیق
www.ishiq.net

آذربایجان ادبیات و اینجه‌صنعت سایتی

اؤلو باز ملت/ مجید یالقیز

ایشیق
www.ishiq.net

آذربایجان ادبیات و اینجه‌صنعت سایتی

اؤلو باز ملت/ مجید یالقیز

ایشیق
www.ishiq.net

آذربایجان ادبیات و اینجه‌صنعت سایتی