چئویرن: ایشیق
ترجمه: ایشیق
ایشیق
00:00
00:00

Xosrov Barisan1
کؤنده‌لن
خسرو صلح کننده(باریشان)

    بعضاً

     ائشییینده‌کی‌لردن

                 ایچینده‌کی‌لر

                       آغیر گلینجه؛

                              آغلایارسان…

  یوللار…

     دورغون سوداکی ایلان کیمی

                      قیوریلیب هئی اوزانار،

                                                  یورولارسان…

  آرتیق سن

      یاشاییشینی

          یوخولاریندا یاشایارسان!

  هرزاد واردان دا یالان کیمی،

                                    آنلایارسان!

  قورخولو بیر اوز اولار سئودیکلرین

                                             چیغیریب…

                                                 چیغیریب…

                                                     اؤز سسیندن دیسکینیب

                                                                              اویانارسان..!

  کلمه‌لر اولدوز کیمی یئکه‌لر

                     درینلییی‌نین گئجه‌سینده

                                        شعرلر قوشارسان.

  شوبهه بیر باتلاق کیمی…

         تومانسیز، دونیانین دوز اورتاسیندا

                                     چابالادیقجا باتارسان..!

  ایچینده بوغولموشلار

    ساعاتسیز بیر بومبا تک،

            جنّتینه یئتیشمه‌دن

                  جهنم یارادارکن

                                        پاتلایارسان!

  اورتا دوغونو ساواشلار باسار..!

  اورادا سن؛

     عدالتسیز بیر سرحدّده دوغولارسان..!

                             و هئموفیلی بیر یارا کیمی

                                                       قانایارسان!

  ها اَللَشرسن دیلسیز بیر آغیزدا دانیشماغا

  ها اَللَشرسن دیلسیز بیر آغیزلا دانیشماغا؛

  نفت بوشقالاری سیلاحلارا چئوریلر،

                                             ساتیلارسان..!

  اؤزو ده بیر چولاق قاریشقایا قییمادان

                                             اوزو یوخاریدا

                                                    آخسایارسان.

  آیاقلارین چکه بیلمز کؤنده‌لنلییینی،

                                              ییخیلارسان.

  ایچین پوزار نیقابی‌نین بویاسین،

                                      چورویوب…

                                          چورویوب…

                                              یوخ اولارسان!!!

  آه…

    نه غریب شئی‌دیر

       سئودیکلرین اوچون

            سئومه‌دیکلرینی سئومک!

  بارماغین آغزیندا هئی سوروشارسان.

  و چاره‌سیز

      عادت ائتمه‌یه چالیشارسان.

  □□□

  تبریزین آخشاملاریندا

                              یالقیز،

                                 چولاق بیر قورد یاشارمیش،

  کیمسه ائشیتمزمیش

                            سسینی

  کیمسه‌یه دویورمازمیش

                                سسینی

                                   اؤز ایچینده اولارمیش!!.

                                   اؤز ایچینده اولارمیش!!.

۱۳۹۱/۳/۲۵

چاپ

دیدگاهتان را بنویسید

نشانی ایمیل شما منتشر نخواهد شد.

کؤنده‌لن/ خسرو صلح کننده(باریشان)

ایشیق
www.ishiq.net

آذربایجان ادبیات و اینجه‌صنعت سایتی

کؤنده‌لن/ خسرو صلح کننده(باریشان)

ایشیق
www.ishiq.net

آذربایجان ادبیات و اینجه‌صنعت سایتی

کؤنده‌لن/ خسرو صلح کننده(باریشان)

ایشیق
www.ishiq.net

آذربایجان ادبیات و اینجه‌صنعت سایتی