ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

ulker
سندن سورگونم
اولکر اوجقار

سندن سورگونم

اللریندن سورگون

اللرینه ياساق

قوربتده چیخاجاق جانیم

قریبسه‌يه‌جک دامارلاریمدا

                 داملا داملا داریخان

                           قان فیشقیراغی

و گونده

                بیر دقیقه

                         ساچلاریم قارايا چالاجاق

سندن سورگونم

کؤکسوندن سورگون

کؤکسونه ياساق

باغرینا ياساق

قوينونا ياساق

اتیم يوللارین سوموکلریم سنین

اتیم جاوانلیغیمین جسارتسیز آرزولاری‌نین

                                             سوموکلریم سنین

اتیم منی ایچدن بوداماق ایسته‌ين

 بو ناققا بالیغین

            سوموکلریم…

داش کیمی آغیرلاشاجاق سوموکلریم

و داش کیمی هامی‌نین اولاجاق

            نه ایيه‌لنمه‌يه گرکه‌جک

                                               نه ائوه آپارماغا

داش کیمی يوغرولوب دا برکیيه‌جک

برکیییب

آغیر-آغیر باخاجاق دونيانین اوزونه

               سنین بو سوموکلر

           سنین

                    اونوتدوغونو اونوتماغا چالیشدیغین

                     بو سوموکلر

و ایچلرینده‌کی دوستاق آل آروادی.

ایندی

 يامان

چؤل-بايیردا اووچولاری باغریما باسیب

کؤرپه‌لری چالماغیم گلیر

ایندی

سندن سورگونم

سوموکلریم ایسه

        هله ده

              سوموک.

 90.6.26

3 پاسخ

  1. “كونول”
    ديل بيلن سوز آنلايان بير نازلي يار ايسته ر كونول

    لاله دن گول دن گوزل بير نوبهار ايسته ر كونول

    اعتيبارين گورمه يينجه سئومه رم بير ديلبري

    نازنين مه پاره لردن اعتيبار ايسته ر كونول

    هر قارا زولفون اسيري اولمارام بوندان سورا

    ايندي عالم اوزگه دير خوش روزيگار ايسته ر كونول

    اوينايوب گولمه ك دانيشماق عيش و نوش اياميدير

    بولبول شيدا كيمي مين لاله زار ايسته ر كونول

    هر طرف گول دير چيچك دير بويله آزاد اولكه ميز

    دائم اوز خوشبخت خلقين بختيار ايسته ر كونول

    بيز سووه ت خلقين حقيقت له سئوه ن عاشيق له ريك

    خائني ادناني يوردومنان كنار ايسته ر كونول

    بختور “واحد” او كس لردير بو خوش عالم ده دير

    هر زامان بو شن حياتي پايدار ايسته ر كونول!

    علي آقا واحد

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *