ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

a-habibi
غربتدن وطنه مکتوب/ امین حبیبی

نئجه یاتیم هر گئجه نئجه قالخیم هر سحر

تیتره‌مه‌لر اسیری اولوبدو بؤیوک ائلیم

اوچ یوز نفردن آرتیق الدن گئتدی بیر دفعه

قارا گئییب آیلاریم، تالان اولوبدو ایلیم

تیتره‌مه‌لر اسیری اولوبدو بؤیوک ائلیم

×

هئچ اولماسا بیر دفعه بتر تیتره‌ییر آیدا

ژاپونودا سووولدو تیتره‌مه‌لری سایدا

بو ماجرا یازیلدی طالعیمیزه یایدا

دئیین هاراسین یازیم، دئیین هاراسین سیلیم

تیتره‌مه‌لر اسیری اولوبدو بؤیوک ائلیم

×

باشقا ائل‌لر اهردن ورزقاندان بی‌خبر

یئنی عصرین بیزلره ایمکانلاری بی ثمر

ایل لر بویو کؤرپه‌لر آناسیندان درد امر

عاجیز قالیر شرحینه بو یئددی آیا دیلیم

تیتره‌مه‌لر اسیری اولوبدو بؤیوک ائلیم

×

باهار بایرامی گلیر شادلیق سارایین قوراق

هانی قاباقکی سئوینج ،هانی قاباق طمطراق

یاز گلیر نوروز گولو آلمیری مندن سوراق

قاراداغدا یاتیبدی توپراغین آلتدا گولوم

تیتره‌مه‌لر اسیری اولوبدو بؤیوک ائلیم

×

استعدادلار باشیندا هر آن شیمشک دولانار

گور بولاقلار دورولار نه قده‌ر کی بولانار

آغلایان گؤزلر بیر گون سئوینجدن سولانار

او گونوموز گلینجه یئتمز دعادن الیم

تیتره‌مه‌لر اسیری اولوبدو بؤیوک ائلیم

×

سونا چاتدیرا آلله بو غملی ماجرانی

آباد اولا یوردوموز شان گؤرک ائل- اوبانی

“امین‌” دئیه چال عاشیق ایسته‌دیگیم هاوانی

داغلار داغلار اوخونا سسله‌نه ساری تئلیم

تیتره‌مه‌لر اسیری اولوبدو بؤیوک ائلیم

×

مکتوب یازدیم غربت‌دن اولو آذربایجانا

یوخلایاندا هر گئجه اوز توتورام اویانا

آللهی آند وئریرم پیغمبره، قرآنا

بیرده بلا گؤرمه‌یه قاراداغ آدلی ائلیم

تیتره‌مه‌لر اسیری اولوبدو بؤیوک ائلیم

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *