اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

 leyla kahali
سن آلما آتمادین…
لئیلی کحالی

سن آلما آتمادین

اونا گؤره من ده گلین چیخمادیم!

کوچه نیزدن قاییتدیم.

آخی دئمیشدین

بیر مکتوب یازیبسان منه.

هریئری آختاردیم

ماغارا گونلریمیزدن

تا بو شهرلره قدر.

نه گؤیرچین لر گتیردی اونو

نه پستاچیلار.

نه ایمئیلیمه دوشدو

نه جیب تلفونوما…

اونا گؤره من ده جاوابلامادیم!

سونرا

اوشاق اولوب

ناغیللارا قوشدوم اؤزومو

سئل آپاردی سارانی…

آنام چیراغی سؤندوردی من ده یاتمادیم

آدیمی لئیلادان سارای آ وئردیم!

سونرالار

آنان سنی دوغدو

آدینی آراز قویدو…

آنام منی تانیردی!

اونا گؤره آند ایچدی

منی دوغمادی…

 قیش 1391

اشتراک گذاری در print
چاپ

4 پاسخ

  1. سلام لیلی خانم
    اگر شعری، شعر اِدن تکجه خیال اولا آلما آتمادین بیر شعر دی. سعید داداش شعریزین باشلاماسین سِویپ منده قورتولماسین. حیکایه نیزی قورتاریر و شعریزی یازیر اورگه. آما شعرده آیری بیر فاکتورلاردا واردی!

  2.    چوخ چوخ گوزل باشلانیر شعر. آما افسوس که ادامه ده اوز قوروشوندان چیخیب، بیر بالا پریشان اولور / ساق اولسونلار لئیلی خانم گئیل.

  3. خیالئم

    کوچه نیزده

    آختارئر سنی

    بویولدا

    سویوخ بیرکولک

    دولانئر گنه

    گوزلریم

    آختارئش

    آپاران زاما ن

    اوشویوب سوخویدان

    سولانئر گنه

    او سویوخ دامجئلا ر

    یاناغئم اوسته

    دایانئب دونور

    ائله بوز کیمین

    باخئرام من

    دونموش باخئشلا

    پنجره ز سئخئلی

    قاپئز قاپالی

    آسئلئب اونلا را

    شاخدادان قئفئل

    نه سس نه سمیر

    تک، تنهالئق

    اوره ییم

    سئخئلئب

    بولانئر گنه

    کوچه نیزده

    سویوخ بیرکولک

    دولانئر گنه .

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *