هرنه‌دن چوخ
گؤزلریمدن گیلئیلی‌یم،
آغلی یوخویموش اونلارین اصلا.
اوتوروب ساحیلده بیر جاوان
نئچه مئتیر مندن کوسولو
ائله جوموب دنیزه کی
بوتون دنیز گؤزلرینده لپه‌لنیر؛
سانیرام کی
قاییق‌لارین بوش یئرینین سئوگیسینی آغریییر او
یا دا
قوم اوسته چکدییی آچیق قوجاغی
دالغالار باغلاییر تئز- تئز.
سون تاپدی هر نه
قاییداندا یول بیر اولدوق یاتاغا دوغرو
دنیزدن سوردوم
دنیز قوشلاریندان
قاییق‌لارین سئوگی قوجاغیندان
«دنیز گؤرمه‌دیم»- دئدی:
«ایشیمدن چیخاریبلار.»