گؤسترمه‌سئیدی وارلیغیمی بیر درین سوکوت
دئیردیم اؤلموشم؛
گؤسترمه‌سئیدی ماویلییی بیر قیریق قاناد
دئیردیم اؤلموشم؛
آما یوخ، اؤلمه‌رم
هله داغ‌لار یئرینده‌دیر
بالیق‌لارین دنیزده بویون اوخشاییر سولار.

گؤسترمه‌سئیدی قه‌هریمی گؤیلرده ایلدیریم
گؤسترمه‌سئیدی داشدا مامیرلار اراده‌می
گؤسترمه‌سئیدی شکلیمی بیر قانلی داش دووار
دئیردیم اؤلموشم
آما یوخ، اؤلمه‌رم
هله دونیا آداخلی‌دیر
تورپاق توی ائتمه‌ییب
دونونو گئیمه‌ییب باهار.