هردن گئریچیلدیر، هردن ده اؤنجول
هر یؤنه، هر یانا گئدیر خیالیم!
سورویوب منی ده هئی منزیل- منزیل
هم تنتیدیر، هم ده دیدیر خیالیم!
ائلهکی یولچودور یول اوستوندهدیر
بیر گؤزو آرخادا، بیری اؤندهدیر
نه گؤرسه ائتگیسی یالنیز مندهدیر
نه ائتسه بیر باشا ائدیر خیالیم!
آتلانیب یوللانیر گونده مین کره
دؤنوک قیزی صنم ساندیغیم یئره
تئز-تئز دؤنسون دئیه سیندیغیم یئره
ایشارهنی، هیمی گودور خیالیم!
یورسا دا «صیاد»ی مرام کانیدیر
هارا چکسه شاعر کیمی تانیدیر
فداکارلیق ائدیب اؤزون اونودور
بیلینمیر نهچیدیر، نهدیر خیالیم؟!
