یورولاجاق قانادی
گؤیدن یئره گلینجه.
نئجه کئچیر حیاتی
گؤیدن یئره گلینجه؟
بیلمیر گولسون، آغلاسین،
اؤلسه، توتان یوخ یاسین.
کیمه اوره‌ک باغلاسین
گؤیدن یئره گلینجه؟
نه اود گؤرور، نه اوجاق،
گؤرمور ایپ- ایستی قوجاق،
ناواخ گونه چیخاجاق
گؤیدن یئره گلینجه؟
دوغولاندان اویاقدی،
یوخدو یاتماغا تاختی،
نئجه توی توتاجاقدی
گؤیدن یئره گلینجه؟
بیلمیر واختی، ساعاتی،
دوغوم‌گونو، وفاتی،
هر یاغیشین حیاتی
گؤیدن یئره گلینجه.
