سس‌سیز
سمیرسیز
اتاق‌دا
یاتاق‌دا
اویانیرام
اویانیرام سماورین هؤیوش
سیجاق سسینه
باخیرام گیلئیلی اولدوغوم
گوزگویه
اؤزگه‌یه
یاتمیش
سریلمیش
آغ واراقلاری آلیرام اوتاغین
ماسانین باغرینا
سریرم
سریرم
هر بیر کلمه ده
میصراع‌دا
سانجان
آغاران
دریمی
سومک‌لی ساچیمی
یئریکله‌دیییم
آغ
آغ
واراقلارا
چیخیرام دیشاری
گئیینیرم شهری
آلیشدیریرام سیگاریمی
باسیرام شهرین باغرینا
کؤتویونده داها بیر کؤزه‌رن توتونونو
سوورولور توستوسو گؤی‌لره
آخیر
یاغیر
قارا دامجی‌لار
دولور
دولور
خیابانین غمزه‌سینه
مالئنانین یالین باجاقلا ساواشی‌نا
سینایدی قولو
قیچی بو شهرین
قوسورام
قوسورام
سئوگی‌نی بو شهره