دلی‌خانا اوتاغیندا
یاتاغیندا
اسیر ریتیملی یئل
دانس ائتدیریر پرده‌نی
آغاجلارین یارپاقلاری؛
چیخیرام ائشییه
اللریم قوینومدا سؤیکه‌نیرم دووارا
باخیرام
باخیرام
دووارین آچیسینا
هؤرومچک تورونا،
اللری قوینوندا اولان
سولموش- سارالمیش یارپاغا؛
نه بیلیم بلکه ده بو یارپاغی آغاجدان دوشرکن
هؤرومچک توتوب‌، ساخلاییب، دردله‌شیب
قوناق ائدیب اوره‌یینه!
بولودلار سیقارئتینی توستولندیر‌یر
پیله‌ییر
پیله‌ییر
یئرین،
شه‌هرین کوره‌سینه
دلی خاناسینا
یاغیر
پلمه‌لر
من
یارپاق
هؤرومچک…
سیجاقلی بیر گونش چیخیر
گؤیلرده
گؤزلرده
دولاندا
آغلایاندا
دورولارمیش
گؤزل‍‌‍‍‌‍‍‌ـله‌شرمیش؛
وورور پلمه‌لر
بیز
اؤزوموزو آرسیزلیغا
بوراخیلیر
بوراخیلینیر
دلی‌خانادان
دلی‌خانالاردان
درد دلیسی اولانلار.