یادلار ووران یارادان یوخ، یولداش ووران یارا سیزلار
حاق یولوندا یارالانان حاقین بیلمز یاراسیزلار
یارا ووران یارا واریم، هر یارامدا یاراواریم
یار یارامی گؤرمک همین، یارام سؤزون یارا سیزلار

جیسمیمده یوخدور صاف یئریم، بدن دولو یاراداندی
سئوگی باخدی احوالیما، یالان دئدیم یارا داندی
یارا، اونا، یارالاردی، یارا سوزون یار آلاردی
تانیش یاراسینین حاقدا، تکجه قاضی، یاراداندی

هر نه یولا آیاق قویدوم، او یولدا بیر یارا دئیدی
منه ده‌ین یارالارین، یاراسی دا یارا دئیدی
کاش بو دونیا یارانماسین، یارالاری یار آنماسین
نه اوچ یارالی دونیانی، آخ یارادان یارادئیدی ؟

یارانان دونیادان منه، یارا قالدی یارا قالدی
یارا وورولدو یاراما، مندن گئدیب یارا قالدی
منه یارالار یاراندی، سیزلایان یئرلر یاراندی
«عاشیق اوغلو»نون سؤزونه دؤزنمه‌ین یاراق آلدی.