چئویرن: صمد ناجی
ترجمه: صمد ناجی
صمد ناجی

بیلمیرم هانسی اَل‌لر منی بو خزان ویرمیش باخچادا ساخلاییب!
اوشوتمه، سنسیزلیک، قورخولو گله‌جک و بوتون ایتگینلیک‌لرین دالغالی اوفکه‌سی، سانجی‌لار تک جانیمی بورویوب.
هانسی مقصد و هانسی دوراق، تالان اولونموش و نیسگیل‌له دولو دویغویا، آیدینلیق وئره‌جک؟!
ایندیسه قرنطینه، خسته‌لیک، اوموتسوزلوک بورویوب بو شه‌هری…
داریخما، بولانتیلی حیس‌لر و دواملی انزیوا من‌له سیرداش اولوب.
الیمده چای، ایواندا تب‌دن یانان تبریزه باخیرام…
ای منیم قیسمتیم، اوفکه‌م، کدریم!
بیلمیرم قارشیما نه‌لر چیخاجاق!
نه ایش گؤره بیله‌رم کی، بیر آن یاشادیغیم دویغولاری یئنی‌دن آنلاییم،
گئچمیشدن تیترنمیش اوره‌ییمین پایینی آلیم،
اوشاق تک کوسوم،
هونکور- هونکور آغلاییم؟!
هئچ نه ائلییه بیلمیرم…
بو گون‌لر سن زیروَلَرده بیر اوزاق خیال‌سان،
من‌ایسه اتَک‌لرده سورونورم.
ای منیم قیسمتیم!
سؤیله … بو آسیلی اوموت‌له نئجه اونودولمامیش سئوگییه توختاقلیق وئریم؟!
بیر نیشان گؤستر کی، چاییم الیمده دونماسین.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ای منیم قیسمتیم!(منثور شعر)

صمد ناجی
www.ishiq.net

آذربایجان ادبیات و اینجه‌صنعت سایتی

ای منیم قیسمتیم!(منثور شعر)

صمد ناجی
www.ishiq.net

آذربایجان ادبیات و اینجه‌صنعت سایتی

ای منیم قیسمتیم!(منثور شعر)

صمد ناجی
www.ishiq.net

آذربایجان ادبیات و اینجه‌صنعت سایتی