چئویرن: خسرو باریشان
ترجمه: خسرو باریشان
خسرو باریشان

هر زاد بیر ایپ اوجودور
مثلا، اولدوز بیر ایپ اوجودور
یاپیشیب ایشیغینا،
باخیشیمدان دیرماشیرام گؤز یاشیوا.
آیریلیق صحنه‌سینه چاتان فیلیمه باخیرسان دئمک؛
بو فیلمین اولدوزو کیم؟!
حیاتدا شاعر کیمی ذئهنلری قاتیر بو سوال.

هر زاد بیر ایپ اوجودور
مثلا، ساچین بیر ایپ اوجودور؛
ساچیوا ایلیشیب، یولا دوشورم،
اوتوبوسون پنجره‌سیندن باخیرام؛
یول نه قده‌ر اوزانمیش کی اولدوز بو قده‌ر کیچیلیب؟!
یارانیب یاراتماق کیمی، ذئهنیمیزی قاتیر بو سوال!

هر زاد بیر ایپ اوجودور
مثلا، یول بیر ایپ اوجودور؛
یول منی آپاریب دولاندیریر…، دولاندیریر…،
دولاندیریر…،
دولاندیریر…،
ویدئو کاسئتی‌نین نواری اولور!
آجیقلانیب، «-کیم بو فیلمی دالی‌یا قایتاریر؟» دئییرسن.
یاشاماق کیمی، ذئهنیوی قاتیر بو سوال!

بئش یاشیندایام ائله ‌بیل…!
نئجه گؤیه نردووان قویوب، سئودیکلریمه
نئجه اولدوز دره‌جه‌ییمی دوشونورم.
شعر کیمی ذئهنیمی قاتیر بو سوال!

آجیقلانیب، «-فیلمی قالان یئرینه وور!» دئییرسن.
وورورام.
واخسئی!! نوار قیریلیر!
آذان وئریلیر.

هر زاد بیر ایپ اوجودور
مثلا، آذان بیر ایپ اوجودور.
آذان سسینی ائشیدیب، اویانیرام.
من نه قده‌ر بؤیوسم ده،
هله اوشاق اؤلورم!
اولدوز یوخ،
من یوخام،
سن وارسان،
ذئهینلر قاریشماییر آرتیق
اولوم بیر ایپ ‌اوجو ایسه…

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایپ اوجو

خسرو باریشان
www.ishiq.net

آذربایجان ادبیات و اینجه‌صنعت سایتی

ایپ اوجو

خسرو باریشان
www.ishiq.net

آذربایجان ادبیات و اینجه‌صنعت سایتی

ایپ اوجو

خسرو باریشان
www.ishiq.net

آذربایجان ادبیات و اینجه‌صنعت سایتی