مفتیللرین تیکانلی قوجاغیندا بیتن گول
حبسخانا دوواری اولوب سنه وطن، گول!
آزادلیغین یاخاسی سندن ساری گؤینه‌ییر
آی تیکانین الینه اؤپه- اؤپه باتان گول!
گولله گئیمیش دووارین اوسته هله تیر-تیر اس
توی دویونه داریخما
سنین تویون قاباقدا؛
گول بزه‌کلی ماشینلار گلیب اوردان کئچنده
سنه یامان چتیندیر،
یئنه هله سئوین کی
قوپارماییب بیر پولیس
تاخماییبدیر سنی او توفنگی‌نین باشینا،
خیاواندا سای گونو!
اوتاناردین اوندا سن
باخا-باخا سووشان اوشاقلارین اوزوندن.
چک دردینی منیم تک
نه گول، نه ده اوتان گول!
چئویرن: ارشد نظری
ترجمه: ارشد نظری
ارشد نظری
- شعر
- یکشنبه ۲ بهمن ۱۴۰۱
- اوخوماق زامانی: < 1 دقیقه
- https://ishiq.net/?p=32403
چاپ
