چئویرن: ارشد نظری
ترجمه: ارشد نظری
ارشد نظری
00:00
00:00

قالدیریب دونیانی دؤشونده دیندیر
چوخلار سورگون دوشوب پرده‌لرینده!
ایستر کدرلندیر، ایستر سئویندیر
اؤزونسن قویونون درین یئرینده.

قالدیریب دونیانی دؤشونده بیر اؤپ
قیزیل گول تیکانی قوجاقلاماسین!
نامردلر مردلره دئمه‌سین چؤر – چؤپ
سئوگی گؤزلریندن اوچوقلاماسین!

قالدیریب دونیانی دؤشونده سس‌سیز
چاغیر قولاغینا یئنی‌دن آدین!
دئ اونا سئویریک سنی قفس‌سیز
آی دیشی طبیعت آی ائرکک قادین!

قالدیریب داغ‌لاری دؤشونده اوینات
جئیرانین قولاغی بلله‌لنمه‌سین!
داش‌لارین کؤلگه‌سین قورخوسوز یارات
جئیران اؤز گؤزونده گولله‌لنمه‌سین.

چاپ

یک پاسخ

  1. منجه ادیب لر،تنقیدچیلر چوخ آزاراق نادر حاللاردا شش دانگ شاعر اولورلار..تی اس الیوت کیمی شاعر- تنقیدچی نابغه لر بارماق ساییسی قدر اولا بیلر اورنکلر گوز اونونده دیر: هئچ زمان براهنی، کدکنی، حقوقی ، کیمی لر نه جور شعر یازسالاردا، گلیب شاملو، ناظم، فروغ، نیما و..‌لر کیمی شش دانگ ناب شاعر اولا بیلمه میشلر…عزیز دوستوموز جناب ارشد نظری نین ده بو یازی سینی اوخودوقدا، اوندا گونجل،چاغداش بیچیمده بیر شعریله قارشیلاشماییریق…شعرین ابدی روکنو اولان دویغو، حس عاطفه نین یئری تام بوشدور..بیله رکدن یازیلان یاپمادیر..ساوچی ( پیامگرا)، آنلامچی( معناگرا) بیر نظم دیر..ایچه ریکلر بیله رکدن اون بیر هیجالی دیزه لره دولدورولوب..علی تبریزلی دئمیشکن : شعر سوزولموش سونرا دوزولموش سوزلردیر..نسه بوردا یانلیز دوزولمه گوروروک

دیدگاهتان را بنویسید

نشانی ایمیل شما منتشر نخواهد شد.

آی عاشیق

ارشد نظری
www.ishiq.net

آذربایجان ادبیات و اینجه‌صنعت سایتی

آی عاشیق

ارشد نظری
www.ishiq.net

آذربایجان ادبیات و اینجه‌صنعت سایتی

آی عاشیق

ارشد نظری
www.ishiq.net

آذربایجان ادبیات و اینجه‌صنعت سایتی