چئویرن: دوقتور علی‌اکبر ترابی(حلاج‌اوغلو)
ترجمه: دوقتور علی‌اکبر ترابی(حلاج‌اوغلو)
دوقتور علی‌اکبر ترابی(حلاج‌اوغلو)
00:00
00:00

آی «عاشیق»! آی هوسی باشدا، سازی الده عاشیق!
ائل غمی قلبیده، اودلو شعیرین دیلده عاشیق!
قوی اوره‌ک چیرپینا انسانلار اوچون ائلده عاشیق!
چال عاشیق، قوی هنرین ائللره بللنسین عاشیق!
هر بیر ائلده مدنیت باغی گوللنسین عاشیق!

آخان اولدوز کیمی یوکسک خیالی سوزدور عاشیق!
قوشمالار اینجی‌سین ائل خزنه‌سینه دوزدور عاشیق!
هنرین دوغرو، سؤزون دوغرو، یولون دوزدور عاشیق!
دی آغیردیر باشی حقین، دی «قئییم دیز»دیر عاشیق!
داها ایستی نفه‌سینله کوره‌نی قیزدیر عاشیق!

شن گونوزلر، قارا غملی گئجه‌لر سؤزلو سازین،
توی‌دا – یاسدا اؤده‌ییب ائل – اوبانین هر نیازین،
بابالار قییهاسی‌دیر گوجلو سسین، گور آوازین،
سازی باس باغریوا ایمانلی اوزانلار سایاغی
سنسن آی ائل عاشیقی، بو مدنیت دایاغی.

تئل‌لری سؤزلو سازین، شانلی آنا تئل‌لری‌دیر،
سؤزلری، شن آنا لایلاسی، شیرین دیللری‌دیر،
بو سازین سیزلاماسی، او آنا نیسگیل‌لری‌دیر،
آی سینانمیش عاشیق، آی آلنی آچیق، درد اوغولو!
دونیا دوردوقجا یاشا مرد آنانین مرد اوغولو!

دولدوروبدور سازیوین نغمه‌لری ائل – اوبانی،
سن تانیتدین «ساراسی سئلده بوغولموش» چوبانی،
جوان ائتدین سازین ایله قوجا «حیدر بابانی»،
مثال اولدوقدا «کوراوغلو» خئییره «حمزه» شره
بو ووروشماق، غلبه، قوی هدف اولسون بشره!

نه دئمکدیر سئویسن شانلی ائلی یا آنانی؟
او دئمکدیر: سئویسن انسانی، سونسوز جاهانی،
بیر قیزیل گول سینه‌ده، گول‌لری سئومک نیشانی،
سئو – سئویل، گول تک آچیل، قوی باهار اولسون یئر اوزو،
چال محبت هاواسین بختیار اولسون یئر اوزو!

نه قدر حق نفه‌سین وار، دی بو ائل‌لر سؤزونو،
حق سئوه‌ر اینسانی اؤی هم سؤزونو، هم اؤزونو،
آیدین ائت، ائیوازی تاپماقلا، کوراوغلو گؤزونو،
باش اوجا شانلی عاشیق! قوی اوجالانسین بو سسین،
قوی چئویرسین باهارا شاختانی ایستی نفه‌سین.

قوی سنه سس وئره «حاللاج» سیله‌رک توزولو یایین،
سس سسه قوی وئره ائل‌لر اوجالا حق هارایین،
بیر- بیریندن داها آیدین اولا هر گون، هر آیین،
حق سنیندیر آی عاشیق! عشقلی ایمانلی عاشیق!
سؤزلو سازلا یاشا تاریخ بویو آی شانلی عاشیق!

چاپ

مجله ایشیق شماره 4

آذربایجان توی‌لاری

مجله ایشیق شماره 3

آذربایجان و مهاجرت مساله‌سی

مجله ایشیق شماره 2

آذربایجان قفه‌خانالاری

مجله ایشیق شماره 1

آذربایجان معلم‌لری و تحصیل مساله‌سی

باشقا اثرلری

دیدگاهتان را بنویسید

نشانی ایمیل شما منتشر نخواهد شد.

شانلی عاشیق

دوقتور علی‌اکبر ترابی(حلاج‌اوغلو)
www.ishiq.net

آذربایجان ادبیات و اینجه‌صنعت سایتی

شانلی عاشیق

دوقتور علی‌اکبر ترابی(حلاج‌اوغلو)
www.ishiq.net

آذربایجان ادبیات و اینجه‌صنعت سایتی