چئویرن: سید حیدر بیات
ترجمه: سید حیدر بیات
سید حیدر بیات
00:00
00:00

بو گئجه
تام بو گئجه
بو گئجه‌نین بوجاقلاریندا
گوندوز چاغی کؤلگه‌سیزلیگیمی دوشوندویوم دوشونجه‌ ایزی‌نین بوشلارینا قارانلیق دولارکن
سنی دوشونوردوم
نفسین ایلک چکدیگیم سیگارایا دنگ
باشیمی گیجلدیب گؤزلریمی تیتره‌ده‌ بیلردی
داها سونرا ییخیلا بیلردیم اللرین اولمایاجایدی دایاق دورا
او آندا
نه آزادلیق نه حقیقت
منی آیاقدا ساخلایا بیلمزدی
چونکو آزادلیق نفسینله یازیلا بیلردی او گئجه
سیگارا توستوسونو هاوادا فورمالاشدیریرکن

ایستی ده
سویوق دا قاپینی چالدیلار
بیر الیمدن تر سوزولور
بیر الیم تیتریردی سویوقدان
ایستی سویوغا سویوق ایستی‌یه باخیب ال ترپه‌دیردیلر بیر بیرینه اللریمله
سن گلسه‌یدین امینم شاختا وورموش طرفیمدن قوجاقلامایاجایدین منی
و دومانلی نفسینله هاوادا یازاجایدین:
آزادلیق
حقیقت.
بیر گؤزومده آزادلیق دوناجایدی
بیر گؤزومده حقیقت ارییه‌جه‌یدی.

چاپ

دیدگاهتان را بنویسید

نشانی ایمیل شما منتشر نخواهد شد.

بو گئجه

سید حیدر بیات
www.ishiq.net

آذربایجان ادبیات و اینجه‌صنعت سایتی

بو گئجه

سید حیدر بیات
www.ishiq.net

آذربایجان ادبیات و اینجه‌صنعت سایتی

بو گئجه

سید حیدر بیات
www.ishiq.net

آذربایجان ادبیات و اینجه‌صنعت سایتی