ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

دونيانين
ليلا ندايي

حئيرته دالميشام اؤز ايچيمده من،
نه‌دنسه آزالمير ناري دونیانین؟!
تؤكولور هر يئرده مظلومون قاني،
گون به گون چوخالير هاري دونیانین.

توخلاري آزديسا آجلاري سايسيز،
يوخسونلار ايچينده بيزيم کند تايسيز،
فيكيردن چیيلپاقدير ديله‌نير واي‌سيز،
بورويوب هر يئري زاري دونیانین.

اولوس وار بارينير دوغا باغيندان،
ذوق آلير سايسيزجا ياشام چاغيندان،
سئوديگين گؤتورور دره‌ـ داغيندان،
بيزلره زاي اولور باري دونیانین.

اوغول‌ـ قيز سينديرير آنا حؤرمتين،
ده‌يردن ساليرلار آتا زحمتين،
هر لحظه داشلاشير قلبي ملتين،
داها قالماييبدير عاري دونیانین.

گولوستان تالانير آغلايير بولبول،
چمنده ساچيني يولورو سونبول،
كؤنلونو داغلايير گؤزل قرنفيل،
بورويور باغلاري خاري دونیانین.

اوچونجو دونيادا ساواش دايانمير،
اؤلوسو چوخاليب كيمسه سايانمير،
بو قدر هاي ـ‌ كويه ياتان اويانمير،
ائله بيل چوخاليب كاري دونیانین.

نه اوچون ترس اولوب بيزيم ايشيميز،
سوسوبدور دانيشمير هئچ بير كيشيميز؟
يادلاشير ائولرده ارلرـ ائشيميز،
موخالیف چالينير تاري دونیانین.

سئونلر رحم ائتمير گؤزل يارا دا،
آتمايير اؤزونو چايا سارا دا،
فصبل‌لر دؤنوبدور قيشا بورادا،
كسيلمير گؤيوندن قاري دونیانین.

«ليلا»ني يانديرير‌ـ ياخير بو گئديش،
دوداقلار ياسليدير اؤلوبدور گولوش،
ايچينه شوملايير بوشالير هر ايش،
قيمتدن سالينير واري دونیانین.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *