اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

گونش ده یاخالانیب…
زیبا میراحمدی(گونش)

گونش ده یاخالانیب داها
قازتچی‌لر دامغالاناندان بری؛
قاپی‌لاری دویمه‌لنیب گونده‌لیک‌لرین،
یانیق کرمی اوخومالی‌دیرلار
اصلی اوخوجولار.
توتسو قووزانیر قفه‌لرین قال‌یان سسلریندن
قالا یان سسلریندن،
گؤره‌ن ساعات 25 ده
کیم آغلاییب، کیم گوله‌جک؟!
آز قالیر باهارا،
کیم‌لر باهار هیسی‌له آلیناجاق‌لار،
ساتیلاجاق‌لار؟!
دئمک بودا بیر پرده‌دیر
دووارلارین کینوووندا،
بونلار سونا چاتاندا
کیمسه‌نین یئری گؤینه‌یه‌جک
بیلئت کاسساسی‌نین
یادداشیندا.

***

قیسا باخیش / کامیل قهرمان‌اوغلو

شعررر، آرتیق مودرن واریانتلاریندان جانلانیر هر میصراعلاری، میصراعلار بیر بیرین قاپالادیقدا باشقانلیقلار داریخیر سطیرلری. و جان سیخیجی آنلار سوواشیر شعرین قاتینا.
شعرررر، عمومیتله توپلومساللیقدا تؤره‌نمیش اولایلارلا قارشی یارادیجیلیق چیزگیسینه سالاراق شاعری، شاعردن یوکسلیش احوالاتدا دیگر واریانتلارا رغمن عصیان طلب ائدیر. و یاخاسینی توتاراق قیشقیریر شعرین ایچ قاتلارینی شاعری ایچین. بوردادیر شاعر بیر آچیدان یوخ، مین 19 آچیدان باخیشینی سالیر یازدیقی شعرینه.
بلی، بوردادیر یارادیجیلیق باش وئریر، هیجانلیق تؤره‌نیر سؤزجوکلرده، بویالی-بویالی عصیانلیقلارا ال وورور شاعر آرتیق، بویاسیزلیقا جان وئررکن هر میصراع، بیر آدام کیمی دانیشیر شاعرایله و شاعر گلین گتیریر هر کلمه‌نی شعرینه.
آلین چالیر سؤزلره، بئلینی چکیر شعرین و تومجاسی مخاطب‌لره بزه‌نمیش گلین سایاغی تقدیم ائدیر اثرینی.
بلی، بئله مودرن دیللی شعرلردیر چیغیریر اؤزونو، «گونش یاخالانیب قازتچی‌لر دامغالاناندان سورا». بئله‌لیکله بئله مختلف روللار اویناییر شاعر شعرینده و مخاطب بئینینی داها گوپونله‌ییر و یئری مزار قالیر ذهنینده هر اوخوجونون.
بو اوخوجودور آرتیق شعری سئودیینده زنگین آچیلارا راست گلیر و شاعر سایاقی باخا بیلیر شعرین مین 19 پنجره‌سیندن.
بو پنجره‌نی کیم یاراتمیش ؟ شاعر یاراتمیش حتمن. بوردادیر شاعر ایمگه لره ال وورور… بوردادیر شاعر یاریمچیلیق شهید آرزولاری اؤز یاشادیغی توپلومسالدان «جامعه» دریب و اؤز تفککورو ایله، دوشونجه‌سی ایله دوغرولدارکن ابدی بیر قالارقیلیق یارادیر.
« کیم آغلاییب، کیم گوله‌جک؟!
آز قالیر باهارا،
کیم‌لر باهار هیسی‌له آلیناجاق‌لار،
ساتیلاجاق‌لار؟!»
بورادا شاعر او قدر اؤفکه‌لنمیشدیر باهاردان هیس یارالدارکن گول یئرینه، عصیانجاسینا دئییر: کیم باهار هیسی ایله آلینب ساتیلاجاقدیر. بو ایستک و طلب یانی نه؟ یانی شاعرین حیس داغارجیغیندان تؤکولموش موباریزلیکدیر بو. بلی بوردادیر شاعر اؤزونو تاپاراق سایین خالقینا قالارقی اثر یارادا بیلیر.
عمومیتله گونش خانیم چاغداشلیغی بیلرکن، شعیرسل کلمه‌لرله تانیشدیر، آمما ادبیات یاریمچیلیق دویوقو سئومه‌ییر، ایسته‌میر. اولسون گونش شاعریمیز تومجاسی یئنلیگی دررکن دویغولارینا چاغداشلیق کؤینگی گئیندیره بیلمیش اولسون. و… البتده بو «چاغداشلیق» و یئنی‌لیک و یئنی‌سللییه دوغرو یالنیز بیر شعرده حؤکوم سوره بیلمز. انشالله گئنیش باخیش قالسین بو شاعرین یئنی اثری ایشیق اوزو گؤرندن سونراکی گونلره.
آللاه قویسا…
بو باخیش، آت اوستو اولاراق یازیلدی یالنیز گونش خانیمین بو شعرینه… اگر فلکدن بیر گون اوغورلایا بیلسم گئنیش حالدا بوتون شعرلرینه آراشدیرما یازارام انشالله.
سئوگیلی شاعر گونش خانیما داها یاشیل آرزولار و باشاریلار دیله‌ییمدیر.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *